20130807~約梁醫生前的小插曲( >﹏< )

今日PiPi見醫生前發生了一段小插曲……


本想在剛過去的星期六帶PiPi睇醫生的，但妹話PiPi眼仔唔係咁差，話用熱毛巾敷下，滴下眼藥水就ok。佢仲話唔駛用生理鹽水洗眼 ( > c < )
因為之後2晚PiPi留在娘家，但我不在由，妹照顧牠，所以妹會點做，我都不能控制！

星期一(8月5號)晚我接PiPi回炮台山，就用返生理鹽水幫PPi洗眼，之後滴眼藥水。但我和ck總覺得PiPi眼仔係有問題，所以決定星期六(8月10日)帶PiPi見vet
24/7開始有事，都3星期未好 ( ╯﹏╰ )

而我也向妹講了會帶PiPi睇vet 。


另外，星期日聽到妹講，她自己要見牙醫，所以星期三請假了。我當時已經好想叫她當日不如早d見牙醫，之後帶PiPi 去vet到，獸醫book 6:45，我收工趕去。但知妹d脾氣，我都係費時煩。而且心諗，如果佢有諗同PiPi睇醫生的話，佢都會自己會提出啦！





今早一早妹whatsapp我，問PiPi眼仔點？
我話：昨日差，會約星期六睇。
之後她打電話俾我，話不如今日睇，佢見完牙醫之後帶PiPi去見獸醫。
我話咁急點約？你唔一早講？
但她已一輪咀嘈，話今早先知約到牙醫。
我心諗，今早知? 一早8點幾診所開話你知有位？有無咁早呀?!

我嬲到whatsapp 回復她「你可打電話去獸醫診所問下今日有無位 。你自己問可以就返你自己時間！我唔知你今日睇幾多點，幾多點得閒。今晚約唔到的話 話我知，如改為約星期六，我自己問好d，我要就返我自己時間」
之後她話約7點。 
我心諗：診所收7約點呀！約到7點我都唔駛煩啦，ck都可以帶到PiPi去啦！(→_→)


之後妹問我去邊一間獸醫診所，問我攞地址電話
我好嬲！同PiPi去見咁多次vet，嚟嚟去去都係嗰2間多，而且都講過主要睇梁醫生
如果我唔係HK，PiPi有咩事點呀？(｀_´)ゞ
 

後來妹通知Book了下午6:30
之後妹話：3點搵ck攞屋企門匙，之後去炮台山接PiPi。仲話 ：如可以我會早D放pipi去醫生到，之後自己去見牙醫。


哩下我先火滾！(*｀へ´*)
痴線！放PiPi係診所?!?!
1，護士唔會俾，日托呀？
2，診所咁多菌，曾經講過無咩事唔好留診所咁耐 ＜(""O"")＞


 Ck得知後說：我立即申請下午放假，叫婉明唔駛過黎，我四至五點帶豬仔去梁醫生度＜(╰_╯)＞


原來妹5:00才睇牙，佢話應該5:30睇完。
我話如果6點才睇完點？咪好趕？佢就發我脾氣話︰佢點都係趕啦。


 

他發火話＜(╰_╯)＞：冇啦啦搞到我要請假
如果唔係妹咁呀，邊會睇得咁急

而我申請了半小時假趕MK同PiPi睇眼


但。。。。。好彩早幾日給PiPi見醫生，原來眼角膜損了，下眼皮發炎呀 ( ...>﹏<... )