《 Love Mi鄭秀文世界巡迴演唱會》

2009-12-24  星期四

今晚所觀看的演唱會是2星期前用CK媽媽所給的Johnnie Walker威士忌贈卷, 加$60($30X2) 所換取的..... 真開心 但.........

演唱會紀念 Tee$250
演唱會紀念長身 Tee$250
兩用輕身 PVC袋$230
長毛巾$100
手鏈$140
限量頸鏈（長）$450
限量頸鏈（短）$480
blink blink手錶$580
手錶$450
Hello Mi 13吋限量公仔$480
襟章套裝$50

離開公司後我們到火車站的『麥記』吃了一點點東西後便欣賞《 Love Mi鄭秀文世界巡迴演唱會》

雖然今晚的表演精彩, 但我倆只是默默的看.

欣賞過後我們一同步行到佐敦港鐵站, 之後各自乘車回家.

 

－－－－－－－－－－－－－－－－－－－－－－－－－－－－－－－－－－－

『蘋果日報』報導
http://hk.apple.nextmedia.com/template/apple/art_main.php?iss_id=20091226&sec_id=462&art_id=13563313

《 Love Mi鄭秀文世界巡迴演唱會》前晚於紅館舉行，現年 37歲兼甩拖多時的鄭秀文（ Sammi）整晚不時強調自己是中女，又自嘲乾旱程度有如撒哈拉沙漠。不過 Sammi這位中女於平安夜發雌威，叫全場無拖拍的中女化悲憤為力量齊聲長嚎，嚎爆全場。

身穿玫瑰花裙的 Sammi以勁歌熱舞掀起全晚高潮。

合共 10場的《 Love Mi鄭秀文世界巡迴演唱會》前晚於紅館揭開序幕， Sammi全晚換上 8套歌衫，當中大部份是露背裝。其間 Sammi於演唱會上大談自己的愛情生活，但她的舊愛許志安卻剛巧離開了座位，她說：「我 07年 concert講過家庭，今次就講吓愛情，不過講咗咁耐都係得嗰一個，真係好慘。據報紙講我感情乾旱，我份人實報實銷，乾旱嘅程度已經去到撒哈拉沙漠。」

Sammi直言華仔是生命中最重要的人，二人擁抱合唱，狀甚親密。

攬華仔吻臉合唱
Sammi又與現場觀眾開玩笑，她續說：「我今次啲飛連單丁位都賣晒，應該係啲中女冇拖拍、冇人約，不如大家一齊將悲憤化為力量，一齊長嚎，冇拖拍嘅人一齊嚡一聲啦。」接着有不少觀眾和應齊齊大叫， Sammi即笑言：「咁多中女冇人約，怪唔知啲飛咁爆啦，其實我啲感情講得嘅都見晒報，唔講得嗰啲都係秘密情人，有一首舊歌嘅歌詞會令我想起某啲人某啲事。」她便唱出《恰似你的溫柔》，這時安仔已返回座位。
Sammi整晚多次強調自己是中女，她對劉德華以及陳奐仁兩位男嘉賓都表現得十分主動，她以「生命中一個重要人物」形容華仔。華仔甫出場，全場歌迷叫聲四起，二人又拖手又擁抱， Sammi更親吻華仔臉頰，之後合唱《一起走過的日子》。華仔獨唱時表現極 high，走到觀眾席與歌迷握手之餘，又站上欄杆，其間不小心跌咪。

大露背上陣的 Sammi與陳奐仁合唱聖誕歌，更大讚他有才華。

直言想擒陳奐仁
為了與歌迷慶祝聖誕佳節， Sammi邀請了陳奐仁大唱聖誕歌，二人不時眉來眼去，她更多次稱讚陳奐仁說：「佢一開聲令我溶化，佢再靚仔啲就死啦，家佢都好 OK，我哋啲中女有幾咁撒哈拉先得 o架，我擒住你。每次聽到佢唱歌就暈晒，佢再靚仔少少真係唔得掂。」及後陳奐仁親了 Sammi的面一下。
另外， Sammi前晚唱出電影《長恨歌》主題曲時，提及以往患上抑鬱症一事，她說：「我拍呢套電影時人間蒸發咗一段時間，每次諗起呢套電影都會戚戚然，有美好嘅回憶亦都好辛苦，因為身體唔舒服。其實之前開演唱會都想唱呢首歌，不過臨出場就會抽起，原因喺心入邊有個關口未過到。今次呢個演唱會一開會，我就話要唱，個回憶已經變成歷史、一個往事。」

戴上假髮的 Sammi於跳舞時做出誘人動作。

相隔兩年再開騷的 Sammi，前晚穿上一套插箭婚紗拖尾歌衫大唱經典情歌。

勁歌熱舞部份更掀起全場高潮， Sammi唱出連串快歌時做出多個高難度動作，完成演出後更攤開雙手向後仰跌落台，事後她指舞台與台底的距離有 10呎高。完騷前 Sammi獻唱《唯獨你是不可取替》並說：「呢首歌我一定要唱。」當音樂響起時有歌迷大叫：「安仔！」許志安亦聽完此歌才離開。

Sammi接受訪問時指得知安仔到場，她笑言想叫安仔代唱《唯獨你是不可取替》，她說：「我喉嚨好痕呀，簡直想叫佢幫我唱，我會請佢做嘉賓，但唔會場場做。」她又透露安仔曾表示與女友一齊捧場，她續說：「佢之前話同女友一齊睇，可能冇位啦，佢問我攞飛我一定畀，拍拖更嚟睇。」問到 Sammi為何只露後不露前，她即說：「露琵琶骨咩，啲衫已經好 sexy，唔通叫我露胸呀。」

時裝設計師何志恩（ Johanna）讚揚鄭秀文的演唱會舞台服裝「好 Sammi」，她說：「整體印象幾 strong，以一個 stage performance嚟講，幾 catchy，佢嘅性格係可以 carry到一啲玩嘢元素，好似橙紅色燈罩裙，得意得來幾型，幾襯佢。同埋另一件桃紅色大膊裙，個色嬌得嚟好易娘，但 Sammi一向幾受呢隻色，着出佢唔係太女人，而係前衞得嚟又女仔嘅一面。」
Johanna特別欣賞服裝的靈活度和動感，她說：「啲衫誇得嚟好有動感，好似插箭裙、玫瑰裙，好大件但一樣可以跳到舞，唔係一件死嘅衫，徐小鳳嘅歌衫都係好誇，但只可以企喺度唱， Sammi嘅衫就好自主，比較 easy。」

Sammi的燈罩裙獲設計師何志恩大讚有型又得意。

 

『演唱會歌List』
1.Chotto等等/叮叮噹
2.默契
3.不來的季節
4.值得
5.娃娃看天下
6.長恨歌
7.MedIey： I Will Survive/ Can't Take My Eyes Off You
8.罪與罰（與 24味合唱）
9.上帝早已預備
10.信者得愛（與 MC仁合唱）
11.回來我身邊
12.恰似你的溫柔
13.不要驚動愛情
14.一起走過的日子（與劉德華合唱）
15.我恨我痴心（劉德華）
16.Medley：獨家試唱/星秀傳說/煞科
17.叮噹
18.Medley：感情線上/親蜜關係（握手位）
19.Medley：上一次流淚/終身美麗/不拖不欠/落錯車
20.Christmas Song（與陳奐仁合唱）
21.唯獨你是不可取替
22.唯獨你是不可取替（ Encore）