0421~到狗基地做義工，但ck唔會因為我做義工而感動

21-04-2013  星期日

今天是一個有意義的日子, 因為有一個暫養流浪狗的基地要搬家, 而我和冬媽、Bernice、地拖主人Hoitomi, 一齊去做義工幫手呀

一早, 10點前已到基地舊址幫手清場, 之後場主租貨運送大件物品到新場, 而我和冬媽及幾位義工跟Bernice車把一些細件物品送到新場

到達新場還幫手清潔, 而有些義工就些"手作仔"

 

雖然辛苦, 但意義很大
希望場中的毛孩快點被收養啦


男人真比女人小氣、麻煩
今日3點幾miss 咗ck 2個call, 之後4點多覆電話俾佢，佢就問我點解我電話收唔到？

心諗，今日入狗場幫手，收唔到都無法

CK係咁ka 佢打2次俾你, 你唔聽佢就火。。。但相反，你打俾佢，佢無聽就無事

之後我返到屋企樓下打俾ck ，想叫佢捉住PiPi先，因我想返到屋企立即沖涼換衫，費事PiPi搞住我, 也怕狗場有些病菌/細菌傳染到PiPi

點知係樓下電梯口打咗4-5個電話俾ck，佢都無聽咁我只好照返上屋企。。。點知佢睡覺了

我無理ck，立即沖涼先。。。而本身預咗今日幫PiPi沖涼，所以我沖好之後再立即幫PiPi沖

ck就話落街買餸。。。我心諗，今日咁多時間你又唔去買

買完返嚟我剛幫PiPi沖好，他幫我抱PiPi出廳。。。你哋都知唔立即幫狗狗抹身就會fing 身或四處跑。。。。ck 就話PiPi

我心諗，你都唔係第一次幫我抱出嚟，你俾到佢落地跑係你問題

到我幫PiPi吹毛時已7點。。。佢就坐係到打機唔煮飯(ck負責煮飯，我飯後洗碗的)

我心諗，你坐係到又唔煮飯，又唔蒸PiPi d嘢食先都唔知你想點

我幫PiPi吹完身已經7:45，ck就話今晚夜d先有得食，因為要習慣PiPi沖完涼之後要吸麈拖地。。。咁我咪只好話我清潔佢煮飯

食飯時我問佢今日做過乜，佢話無

仲話我今日搞到咁晏返又唔早出聲。

我話我點知晏返喎

今日已經辛苦搬野, 已經好疲倦, 回來仲要幫PiPi沖涼, 腰都痛埋! 但你仲發我脾氣
你嬲我, 但我覺得我都好嬲囉