20140531 ~ 寵物保健按摩班

31-05-2014  星期六


早前團購有一個「寵物保健按摩班」今日上堂了


王格媽沒有帶王格出來, 而臭迪又遲到, 所以王格媽初時用PiPi做實習

拍背

按面

腸哥哥也來按面

臭迪到了, 所以可以轉狗按摩 (^皿^)
按頸

按尾龍骨

手仔推淋巴腺

完了來個合照

實話, 我和妹都覺得, 年前跟Ann, 學的, 比今次實用!

20140530 ~ PiPi 針針@梁醫生12

30-05-2014  星期五



因今個月有一天補假, 所以可以在約星期五給PiPi針炙


體重穩定在11.9-12之間, 比上2星期, 沒太大轉變
梁醫生聽過過去一個星期報告之後, 給PiPi施了12支針

 

 

 而因ck扭傷腰部, 所以今日由我來抱PiPi

但PiPi總是扭著要ck哥哥, 不停郁, 不停扭. 最後還是要轉手到ck手上
PiPi立即笑了!  ( ﹁ _ ﹁ )

由我抱著, 只是10分鐘就跌下這麼多針
究竟PiPi係蝦我定蝦ck，要ck辛苦呢？(¬_¬)

今日有隻14歲金毛來針炙
牠很乖, 工人對牠很好, 必定是一個幸福的毛孩!
加油! 你要長壽 p( ^ O ^ )q

PiPi今又甩咁多針針, 效果必定大減 (#‵′)
PiPi, 你下次要乖乖呀!

20140529 ~ PiPi 油脂粒穿了

數年開始, 發現PiPi 臀部出現一粒一粒白色的油脂粒, 而在近幾年, 發現牠雙手的翼下也出現油脂粒.

雖然詢問過幾個醫生, 也開刀取出來化驗, 最後報告是一段油脂!

最後醫生建議……沒有不正常變化, 沒有變黑和硬, 沒有發炎, 就由牠吧!╮(╯_╰)╭



21-05-2014  星期三

令天見到PiPi翼下的其中一粒油脂粒不正常的紅了, 估計是發炎!
嘗試塗些蘆薈gel, 希望有點幫助

26-05-2014  星期一

可能PiPi在娘家這幾天, 妹沒留意下, 把油脂粒抹損了

28-05-2014  星期三

用Vetericyn 3合1寵物神仙水噴和抹, 不小心弄穿了



29-05-2014  星期四

寵物神仙水對傷口好像幫助不大, 所以轉用粉紅色藥水消毒

同時把濃撳清, 也把側邊一粒有缺口的油脂粒, 像牙膏般慢慢撳出入面白色的固體物.

像人的暗瘡般清了濃, 相信會很快好過來
星期六會報告給梁醫生知 (^_-)~☆

防牛蜱的種種方法

copy from︰https://www.facebook.com/photo.php?fbid=718436521547224&set=a.219646268092921.55996.219023461488535&type=1&theater

最近見到好多牛蜱出現消息，亦都好多人私訊我問我點防牛蜱，怕唔怕牛蜱等等…

點防，肯定的告訴你沒有百份百防牛蜱方法，非常消極！
怕唔怕？肯定的告訴你，牛蜱不止可怕，牛蜱熱先怕得要命！
⋯⋯
所以預防勝於治療，預防牛蜱上身，真係不可鬆懈，所以獸醫一定要求滴頸，不過有好多人反對滴頸，始終化學成份，不過個人認為因為滴頸致命定牛蜱熱致命多寡，權衡輕重下，滴頸係我每月必做的事！

滴頸有好多種，每隻都唔同！

REVOLUTION: 可防心思蟲同好小部份牛蜱，藥物入血！主要作用唔係防牛蜱！

ADVANTIX: 美國BAYER出品，香港無代理，所以並不普及，市面上都係台灣代理的貨！有驅趕牛蜱，不入血，停留毛髮上，主要成份PERMETHRIN，除蟲菊脂一種，主要對冷血動物包括牛蜱有毒，當牛蜱接觸到PERMETHRIN就會終段中樞神經而死亡，所以牛蜱不用咬已經死亡！不過PERMETHRIN對貓有毒，所以有養貓一定不可以用！

曾經用過，較油，洗澡後有廿到四十八小時空窗期！

FRONTLINE PLUS:較COMMON，一樣不入血，經皮脂線帶到全身，主要成份FIPRONIL，興奮劑，當牛蜱咬後，經皮脂線吸到FIPRONIL，牛蜱就會過度興奮而死亡，不過就被動，一定要咬先有機會接觸FIPRONIL！
各有各方法，而我一直都使用FRONTLINE PLUS！邊樣適合定用唔用滴頸！就自已衡量！

除左滴頸，牛蜱帶我每次外出我一定有用，重每三個月換一次，牛蜱帶靠身體摩擦產生靜電張藥粉帶到全身！所以要長時間帶先發揮作用！

外出一定噴天然蚤水，主要用NEEM成份，有驅趕作用！無論咩牌子，水裝，粉裝我也有！但噴左一定唔上身，我相信一定無可能！但有噴始終安心，蚤水只有驅趕而不能殺死牛蜱，所以噴左唔代表牛蜱一定唔上身！

最近HIT的驅蚤金牌，不蚤鈴，驅蚤DONUT(NEEM成份味道)，我也一應俱全，是否有用，我不知道，只知道多一重保護，多一份安心！

所以無百份百保護，只有可做的就盡做！可以安心多一D，所以不要問我邊樣有用，我只可以講無一樣野係可以做到100%！

每次出街我都做足所有可做的事，牛蜱帶加蚤水，不過三四年前都曾經有過兩次牛蜱上身，兩次發現都係已死去牛蜱，慶幸有滴頸，如果唔係爆發大量牛蜱就大件事！因為一隻牛蜱傳染牛蜱熱定大量牛蜱咬而傳染，機會可想而知！

歸納兩次牛蜱上身都係下雨天同潮濕天氣，所以特別要留意！所以我每次去大玩，例如行山，去過草地，回家一定要沖涼，最近一年我去完高危地方，回家沖濕身，就會用BIOKILL噴全身再用沖涼液推行全身再沖身過多次沖涼液，因為BIOKILL主要成份一樣係PERMETHRIN，所以如果有牛蜱上身，已經可以殺死，避免後患！再用蘋果醋開水淋身，牛蜱不喜歡醋味！

 之後先吹毛，頭十分鐘 其實唔係吹乾，係全身檢查，有無牛蜱上身，因為牛蜱上身唔會即時吸血，要廿四到四十八小時先吸血，所以要好好把握呢個黃金時間作全身檢查！當然有例外，不過出完街，及早檢查身體！

不過如果有牛蜱上身吸血，亦即係有機會有牛蜱熱，但不是每隻牛蜱有牛蜱熱，因為兩次都有即時看醫生，獸醫話無須即時驗血，因為起碼兩三個月後先會驗到！牛蜱熱寄生蟲有兩種，潛伏期有快有慢，每年身體檢查都有加錢驗埋牛蜱熱！亦問過醫生，點解無預防藥物，疫苗之類，原來牛蜱熱不是病毒，係寄生蟲，係血液裡的寄生蟲！

牛蜱熱現今醫學昌明，並非不治之症，如及早發現，可以好快痊癒，所以每天摸下身體，如果唔食野無精神，第一時間檢查牙肉變白同小便深啡顏色就要及早求醫！

成日其想，如果有人發明100%防牛蜱產品，又可能發明防牛蜱熱藥(類似心思蟲藥，心思蟲一樣係血液寄生蟲)你話幾好！

所以無百份百可以避免牛蜱上身，只有盡量可以做的就做！當做晒所有預防措施都有牛蜱，只可以說是天意，不過據聞牛蜱唔喜歡上健康狗隻個身上！所以一定要身體健康，祝大家身體健康！

20140518 ~ PiPi 何有朋友仔?

18-05-2014  星期日


PiPi的朋友仔不多! 除了小時候玩伴MAC MAC外(已到彩虹橋), 還有見面不多的仔; 八哥女家家已很久沒見面了!

雙腸列入親戚名單中, 另計! XDD

計來計去, 比較多見的算是臭臭和迪迪了 (^v^)

今天去i-Kennel 游水後, 牠們3個可以一同吹身, 場面溫馨 (^O^)

雖然PiPi不是年青, 但我還是希望牠多認識一點朋友仔, 令牠心理也會開放一點 (((^^)(^^)))

20140517 ~ PiPi 針針@梁醫生11の飛針

17-05-2014  星期六


上次3號磅11.9kg, 今日磅, 有12.1kg, 在媽媽住的這幾天呃媽媽取了很多零食嗎? <(￣￣)>

醫生得知PiPi重了, 都問一句︰點解肥返o架?

醫生話幫PiPi 試插腳指👣
其實PiPi在之前的中獸醫到試過2-3次的, 但那時總是針到出血 ( ￣__￣)

但今次醫生好好手勢, 無出血之餘, 也沒有返抗 (^^)b

本來無事的，點知PiPi郁腳踢到ck，可能這樣，支針插入了d d，佢覺得痛，所以隻腳向後一踢，3支腳趾罅不是插得好入的針就咁飛走了  ( ￣□￣!!)

隻腳一踢，3支飛晒，其中1支未能尋回👣

有人問我是否很痛?
我覺得如果PiPi沒有亂郁, 應該不會很痛……啩!?(･_･;?

20140516 ~ PiPi和媽媽的小溫馨

16-05-2014  星期五


媽媽年紀越來越大, 行動也差了, 雖然她還可以打埋一般的家務, 也可照顧PiPi, 但還是比較吃力。
所以這一年, PiPi 多數時間會與我和CK生活, 但間中也會回娘家陪陪媽媽 (￣v￣)♥

然雖媽媽少了時間見PiPi, 但還是那麼愛鍚牠

媽媽：錫啖啦
PiPi ：唔好啦，姐姐影住呀！

媽媽叫PiPi叫了好幾次要錫錫 (^333^) 呵呵!

而呢2次回家, 總有點"意外", 好似………

姐姐：PiPi，你搞咩呀？(O_O)
PiPi：姐姐, 你厚多士！你新地唔好, 蝦鵝！鵝話俾哥哥豬！(￣Д￣)ﾉ

一路抹一路話佢，只話2話句已經咁眼神 (*｀へ´*)

妹回家後幫PiPi抹身, 但還是抹不去那漬

而那些漬其實是……鐵閘d油屎!
八公仔PiPi伸個頭出去鐵閘八走廊仲唔夠，仲要伸埋隻手(￣Д￣)ﾉ
試過1/3個身連對手伸晒出去，之後唔出唔入，嚇屎我！


PiPi, 陪媽媽住多幾日啦, 記得要乖乖呀, 唔好要媽媽勞氣呀!

20140514 ~ 掘路，PiPi避難

14-05-2014  星期三



因港燈舖線爆嘈，所以漏夜走難回媽媽家

我同PiPi講屋企嘈嘈，叫牠乖乖係媽到住幾日。

後記︰

昨晚930才出門，所以一車 車上去妹屋企到，今早才回媽到日托。
而今早收到妹whatsapp話 PiPi好似唔知發生嘜野事，突然返嚟，所以成晚悶悶不樂，好唔開心，連妹夫都話成個樣擺晒出嚟 (；°○° )

今晚只好再同佢講多一次 (=__=")

20140513 ~ PiPi 是日漏尿

13-05-2014  星期二


今日CK有事做, 所以我先回家


一開門, 見可愛的PIPI趴在欄前等待著 (∩__∩)

但當牠一企起身, 我就見到地板濕了……奇怪! ?(0_0?!)

之後摸摸牠, 發覺牠左邊大腿至腳仔都濕了

這時我估到了
PIPI ………漏尿!

今天給牠休息一下, 不落街散步, 轉為給牠用豆袋按摩按摩

星期六覆診要告知梁醫生 (^╴^Ａ；)

20140511 ~ PiPi不用Thundershirt (^^)v

11-05-2014  星期日

近來的天氣怪怪的, 掛了黃雨後半小時就轉掛紅雨, 再過半小時再轉掛黑雨 (O_O)


而今天
“黃雨”倒水時回家
“紅雨”搵個位置去睡覺

係街時好大雨，d雨打落鐵皮頂好大聲，PiPi有d驚，但之後上車就笑番了。而頭先一下雷聲，嚇到PiPi由廳行入房瞓

轉個頭…… (( _ _ ))zzZzZzz

在網上有人介紹一件叫 “Thundershirt ”的東西, 說可以幫助怕行雷落雨的毛孩, 也可幫助一些行為上有問題的狗狗, 在上training堂有一定的幫助

詳細講解 http://hk.m.yahoo.com/w/kplus/question.php;_ylt=A2oKmJiVTGxTTwUAGla5ISg5;_ylu=X3oDMTBwZ3UzNXVtBHNlYwNzYy1ib3QEY29sbwNzZzMEdnRpZAM-?qid=7010050700725&.intl=hk&.lang=zh-HK&p=thunder+shirt

 MACK SIR 既 blog (如下)： http://m.uwants.com/index.php?action=thread&tid=9522158


台灣多d款，仲有眼罩http://www.x-dogz.url.tw/search.php?orderby=position&orderway=desc&search_query=ThundershirtThunderShirt



幸好, PiPi 未有這需要 (＝^ ^＝)

20140503 ~ PiPi 針針@梁醫生10 の 色素痣

 

03-05-2014  星期六


幾天豆豆減肥早餐已經見成績……11.9kg <(￣︶￣)>　
但之後會好快反彈嗎?
希望可以保持11.9kg, 或瘦多少少啦 (^_^)

 

今天向梁醫生報告, 這個星期沒有服「右歸丸」, 神奇地有星期三和四吠吠時沒有滴尿, 但昨天和今日又滴了.

梁醫生覺得只是2日沒有滴, 之後還是有, 所以不是特別好轉過! 所以還是繼續服吧!


請梁醫生幫PiPi耳仔一點黑色的東西. 她說是“色素”, 不是一般的色素斑.
要留意有沒有再發大, 因為如果有, 有可能要切除 (>﹏<)


梁醫生施針時說今日有新穴位, 所以會有點不同.
當施下15支針預備下第16支針時, 梁醫生和我們閒聊時, PiPi忽然叫起來, 頭向左轉和E牙.
這一下, 我、CK、梁醫生和助護覺得有點驚訝(⊙＿⊙) , 但之後4人笑了起來 XDD
大家向PiPi說梁醫生沒有施針, 你叫什麼? XDD
傻豬仔 o(≧v≦)o

在施針時, 梁醫生讚PiPi背毛夠厚呀 (^^)b
還說如果狗狗缺T4(甲狀腺素), 就會影響到毛毛生長!

用幾本雜誌給PiPi墊住站, 希望牠腳仔不會半天吊。　

 

 

 

但之後, 牠放軟了


這是PiPi覺得安心, 放心, 才會這樣放鬆的。

之後還這樣……把鼻子塞到ck手臂下(≧▽≦)　

PiPi, 其實你對每2星期一次的針灸想法是如何的呢?
希望你可欣然接受啦 (^_^)♥