冬瓜薏米

12-04-2013  星期五


香港的春夏天濕氣重, 總會令人覺得累累、周身重墜、體倦、面目浮腫、下肢水腫、胸悶、痰多、胃口不佳、關節疼痛、睡眠質素差、腹痛腹瀉等等, 這明顯是“濕氣重”的症狀 (詳細請按這𥚃)

我難得一次煲的湯……冬瓜薏米水 XDD
只有冬瓜和薏米PiPi都飲到"㗳㗳"聲 
我初時諗住如果PiPi唔飲我要加蜜糖，好彩PiPi要求低
但Ck話無味囉



我和一班狗友近年玩homemade, 而當中有朋友去書局買了幾本有關狗狗homemade, 當中有講薏米, 人和毛孩都飲得, 去濕好呀

Homemade由簡單開始

1023~綠茶紅豆慕士凍餅

23-10-2011  星期日

臨別秋波, 整個cake返公司先但ck又話要整返公司俾同事食喎
分別整「豆腐凍餅」和「綠茶紅豆慕士凍餅」 


綠茶紅豆慕士凍餅

砂糖 70g
蛋黃 2隻
A, 雞蛋,砂糖打蛋器打起

淡忌廉 400 g
B, 淡忌廉用打蛋器打起6成

綠茶粉 10g
熱鮮奶 100g
C, 拌勻直到綠茶粉溶入鮮奶中

A+B+C用伴勻

魚膠片 40g
把魚膠片放在碗內, 把生水倒碗內(水要完全覆蓋魚膠片), 直至魚膠片軟身, 用熱水座溶,


魚膠溶液再加入拌勻

倒入模中

熟紅豆 400g 
熟紅豆加入, 放入雪櫃 2小時

「豆腐凍餅」和「綠茶紅豆慕士凍餅」


ck 取回公司的「綠茶紅豆慕士凍餅」



切開後


後記

一班同事都好喜歡2款凍餅，特別係「豆腐凍餅」好清，唔甜，好香豆腐味。
那個"吹水Accoutant"仲叫我出去開鋪，咁唔駛受老闆氣喎！你估我係18、22咩會成日發白日夢?!

羅漢果水

16-05-2011  星期一

之前一直飲的羅漢果水不是媽媽煲, 就係CK媽媽煲。前幾日, CK媽媽把這責任交回給我們了, 但到最後, 責任咪又係落在CK 身上

 

CK媽媽給我們的2包羅漢果乾

CK媽媽教導……
每一個羅漢果可以煲2公升水 ,如果要煲2個就4公升, 如此類推……

羅漢果撕碎；用中火煲二十分鐘﹝以水滾後計算﹞，唔需要加糖。
關火後焗10-20分鐘；完成後可以直接熱飲，或放入雪櫃凍飲，可保存一個月。

 

 

有羅漢果水CK就可以少啲飲汽水, 健康啲

0122~蘋果海底椰瘦肉渴

22-01-2011  星期六

這個冬天持續寒冷和乾燥, 令到不少人病倒, 妹也是其中一個, 她持續咳嗽十多天了, 所以請媽買定一些湯料, 待我幫她煲下給妹和各人飲用

「蘋果海底椰瘦肉渴」，明天一家大細連pipi都有得飲

焗Baileys芝士蛋糕

05-09-2009  星期六

餅底材料(8" 餅模)︰
消化餅 9塊
牛油 50g

做法：
將餅乾弄碎，加入溶牛油拌勻，鋪於模底，放入雪櫃備用。

 

芝士餅做法：
忌廉芝士    450g
砂糖     100g
淡忌廉    140g
全蛋     4隻
無鹽牛油溶液    90g
Baileys    140g

裝飾面：
酸忌廉    100g
砂糖    40g

做法：
1. 淡忌廉用電動打蛋機打至有少許企身，備用.
2. 忌廉芝士放在室溫地方放軟後, 用電動打蛋機以中速將忌廉芝士打至軟身,
　然後分2-3次加入砂糖, 繼續打勻.
3. 拂打雞蛋, 然後分2-3次加進忌廉芝士, 再用電動打蛋機以慢速打勻.
4. 把Baileys加入忌廉芝士中拌勻.
5. 把無鹽牛油溶液倒入忌廉芝士內, 用膠刮拌勻.(切忌用電動打蛋機)
6. 再加入淡忌廉, 用膠刮拌勻. (切忌用電動打蛋機)
7. 將已經攪拌好的混合物倒入蛋糕模中, 然後放入焗爐, 以150度焗70分鐘.
8. 蛋糕出爐及放涼後, 把酸忌廉加糖拌勻, 平均分佈在蛋糕上, 再放雪櫃冷凍約6小時.

焗製中的芝士蛋糕.......好香, 好想吃

焗完脫模後

用朱古力劃出帆船, 祝願治療師日後工作「一帆風順」
蕭先生由9月14日開始調派到日間診所和到診治療, 祝願他工作順順利利

再用朱古力寫出「一帆風順」四個字

但好景不常, 當朱古力乾涸後從牛油紙取出時, 字和帆船圖案分別斷裂

最後......只好做一個簡單的帆船圖案作裝飾

 

希望他們欣賞啦

----------------------------------------------------

後記：

我和ck初想...Baileys經焗製過後, 酒精會完全被揮發, 吃時應該不覺得有酒味, 但治療師們吃後表示蛋糕中還有酒味 .........GOOD

焗朱古力/咖啡芝士蛋糕

15-08-2009  星期六

見到一食譜介紹『焗咖啡芝士蛋糕』, 但我又想試諗轉變一點, 做『焗朱古力芝士蛋糕』, 所以今天一次過焗2個6寸蛋糕分給ck、煲媽、Candy、妹和父母試一試味道, 看看那款較好

 

『焗咖啡芝士蛋糕』

成份: (6寸蛋糕)
餅底材料︰
消化餅 4塊
無鹽牛油溶液 20 克

材料︰
忌廉芝士 220 克
砂糖 50克
淡忌廉 50 克
全蛋 2隻
無鹽牛油溶液 50 克
即溶咖啡粉15g (我覺得有點苦, 但有朋友覺得味道剛好, 所以要跟個人喜好而修改)
熱水20g
咖啡甜酒 1 湯匙 (可隨意加)

裝飾︰
酸忌廉 50g
糖 20g

餅底做法：
1. 先把消化餅壓碎, 再把牛油溶液及餅碎攪拌好
2. 把已攪拌好的餅碎平均倒入餅模壓實

芝士蛋糕製法:
1. 焗爐溫度調至160˚C-180˚C預熱。
2. 淡忌廉用電動打蛋機打至有少許企身.
3. 忌廉芝士放在室溫地方放軟後, 用電動打蛋機以中速將忌廉芝士打至軟身, 然後分2-3次加入砂糖, 繼續打勻.
4. 拂打雞蛋, 然後分2次加進忌廉芝士, 再用電動打蛋機以慢速打勻.
5. 即溶咖啡粉用熱水開溶之後加入忌廉芝士中拌勻.
6. 把無鹽牛油溶液倒入忌廉芝士內, 用膠刮拌勻.(切忌用電動打蛋機)
7.  再加入淡忌廉, 用膠刮拌勻. (切忌用電動打蛋機)
8. 將已經攪拌好的混合物倒入蛋糕模中, 然後放入焗爐, 以160度焗60分鐘.
9. 蛋糕出爐及放涼後, 把酸忌廉加糖拌勻, 平均分佈在蛋糕上, 再放雪櫃冷凍約6小時.

 

『朱古力芝士蛋糕』

成份: (6寸蛋糕)
餅底材料︰
消化餅 4塊
無鹽牛油溶液 20 克

材料︰
忌廉芝士 220 克
砂糖 30克
淡忌廉 50 克 
全蛋 2隻
無鹽牛油溶液 50 克
即溶朱古力粉20g  (朱古力味道不足, 可加多一點即溶朱古力粉)
熱水20g

裝飾︰
酸忌廉 50g
糖 20g

(製作方法大至和『焗咖啡芝士蛋糕』相同)

 

同場加影ck製作的『藍莓芝士凍餅』

Baileys朱古力芝士凍餅

09-08-2009  星期六

雖然去年做過Baileys軟芝士凍餅, 但今次跟『美味DIY』的食譜為本, 做一個8吋『Baileys朱古力芝士凍餅』給治療師門試試

 

『Baileys朱古力芝士凍餅』(8吋蛋糕)

餅底：
消化餅 9塊
無鹽牛油溶液 30g

餅底做法：
1. 先把消化餅壓碎, 再把牛油溶液及餅碎攪拌好。
2. 把已攪拌好的餅碎平均倒入餅模壓實。

餡料：
忌廉芝士  400g
糖  80g
淡忌廉  160g
即沖朱古力粉  100g
熱開水  100g
百利甜酒  130g
魚膠片  5片

魚膠片做法：
1. 把魚膠片放在碗內, 把生水倒碗內(水要完全覆蓋魚膠片), 直至魚膠片軟身。
2. 魚膠片軟身後把生水倒去, 再用熱水隔水坐溶, 備用。

凍餅做法：
1. 淡忌廉用打蛋機打起備用。
2. 即沖朱古力粉加熱水開溶備用。
3. 忌廉芝士加入糖用打蛋機打軟, 再加朱古力溶液用打蛋機打勻。

4. 把已預備好的Baileys甜酒加入用膠刮拌勻。
5. 把已溶好的魚膠液加入少許己打好的淡忌廉用膠刮拌勻和倒入, 同時把餘下的淡忌廉倒入, 之後用膠刮慢慢拌勻, (切忌用電動打蛋機)。

6. 把已經攪拌好的混合物倒入蛋糕模中, 放入雪櫃，雪約3小時至凝固。

 

裝飾：
把朱古力用溫水隔水慢慢坐溶
(注：朱古力不可用過熱的水坐溶, 因為這樣待涼後朱古力不會凝固. 也不要把未用的朱古力放入雪櫃.)

用牛油紙對角剪開, 形成三角形, 再捲成圓錐體, 再打朱古力醬倒入, 擠出想要的圖案, 待涼備用.

起模後加上裝飾朱古力和灑上防潮糖霜裝飾

 

 

後記：
蕭先生表示：
酒味不太濃, 可以接受; 但芝士味不足 (可能被酒味冚過了)
而另一位懂做蛋糕的治療覺得硬了一點, 但蕭先生覺得適中.