0609~希望你沒有後悔踏進這個家 ♡

09-06-2013  星期日


其實我結婚後有時覺得PiPi慘慘的…喺我到，牠會掛住媽媽；喺媽媽到會掛住我，而且仲要上落我妹家過夜，唉～

PiPi 你辛苦嗎?

但我自問對PiPi都做到90分了^_^ 錫PiPi多過ck, 希望PiPi豬會滿意啦 ♡

0319~如果…PiPi…老了

19-03-2012  星期日

今晚我忽然問ck……pi pi 咁喜歡跟你瞓, 如果牠老了, 好似人咁有失禁還要跟你瞓, 咁你會點做呀? 願意放尿墊在床上與牠一齊瞓嗎?

ck反問我︰可以舖上尿墊一齊在sofa瞓嗎? 可以買一張質料比較好的充氣浮床放在客廳, 舖上尿墊一齊在浮床上瞓嗎?

我心諗︰吓! 你同pi pi 一齊瞓, 咁我呢? 又留我一個係房瞓?

但其實你問我……我當然最想pipi永遠都健健康康, 陪伴我們四處去啦

1215~Pi Pi 終於肯錫返我了

15-12-2011  星期四

過去2天可能因為是由我親自帶pi pi 去診所做超聲波和內窺鏡檢查, 令牠受苦 所以牠過去2天都嬲了我
每當叫牠鍚鍚時, 牠會擰轉面


今天……
Pi Pi 終於肯錫返我了♥ ♥
隻豬仔好似唔怕凍咁, 成日瞓地下>.<
希望聖誕出返多d毛可以見下人咁就可以去影下相，食下聖誕大餐

1126~真話？假話？

給ck的sms
十點幾知志新唔陪pipi入去見醫生, 我就立即打電話俾你希望你陪到我, 但你無聽電話, 諗住你轉頭會打返俾我, 但無。
到12點打俾你, 諗你都應該出發返香港了, 但唔係, 而且那時候我唔知你做乜? 好似唔方便講野咁, 咁我只好收線。
到2點你打俾我先問我pipi乜事?! 你咁晏我當然唔會預你趕到陪我

ck給我的sms
對唔住呀! 要你担心我, 又令你唔開心。
尋晚飲完之後佢地仲話食宵夜, 食完都成三點幾, 所以今早訓晏咗, 但我記得你打過電話俾我,
之後我就繼續訓, 訓到十一點幾去沖涼, 大約十二點就落樓同煤灰廠D人及Sherman食飯, 個段時間我一直同小胡講緊電話跟緊D車,
其實我真係想同你陪pipi豬去睇醫生, 不過好多野唔係我話事, 對唔住呀!

給ck Facebook message 回覆
明白因為工作好多野好難控制，但你當時給我的反應／對答......
我唔想再諗也唔想猜疑,如果我開始咗＂唔信你＂這諗法，之後就好難相處了

..

無私奉獻

♥ ♥ 先來鳴謝 Bernice 捐出狗糧及幫忙把狗糧送達^3^ ♥ ♥

早前尋找地方把狗糧捐出時醒起一個老朋友的媽媽。
她十多年前已開始一個人獨住在一間簡陋的鐵皮屋，並收養一些被遺棄的貓狗。
最高峰時她收養了十多二十隻貓貓狗狗。

近幾年，人老了，健康差了，體能也比不上往日，所以她已不再收養貓狗。
往日的貓狗走的走了，老的也老死了，所以現只餘下5狗1貓。

而在今年初，她發現自己患上癌症，精神和體力更比不上去年，但她沒有灰心， 她積極面對，接受電療和服用中藥，希望早日康復可繼續和她的貓狗共同生活下去　♥

已沒有收入的她不會自私的留錢為自己醫病而懶理牠們的健康，好像最近其中一隻狗狗因意外而要做手術，她不惜動用老本$2000大元為狗狗做手術　♥

除了大型狗場需要人捐助外，其實有啲小型收養所都可能希望得到幫助，只是她們默默耕耘不向外揚聲求助　♥

0722~硬頸?!

我硬頸？我死頂？
可能都係！

好似早前pi pi驗尿結果出現問題，獸醫要求見pi pi。當護士幫我約期時我無諗ck或妹有無時間陪我帶pi pi見獸醫，我只諗那個日子和時段我得唔得閒，之後我才會把約期告知ck和妹。如果佢哋當日可以陪我當然好啦，但如果唔得我都會一個帶pi pi見獸醫，唔會完全依賴他們的。

又好似剛過去的星期六我條腰痛得要命，但我都死頂攞pi pi啲尿去驗。

 

試過妹話我條腰／隻腳有事都要死頂陪pi pi落街散步。
又試過早上發燒返唔到工，食咗藥，休息咗一日之後，到黃昏我都要陪pi pi落街散步。

可能有人覺得我只會為pi pi才會這樣，當然唔係啦！

好似2年前我媽入院做手術的時期，我在午善時間買餸，放工到醫院探媽。之後爸幫忙煮飯，我帶pi pi落街短行，晚飯後我煲下湯，侍第二日攞俾媽飲。

這奔波的日子我不辛苦嗎？

 

係！我有時係會死頂，但有啲事我覺得要去做的，而我還可以做到的，我會頂住去做。

有時我自己都覺得這“死頂”似我媽的性格……無法

 

妹，你胃痛，你肚痛唔係話你唔辛苦，但你老公都篤爆你係葵涌廣場睇完醫生都去買衫，咁可想而知你有多辛苦囉！

愛是無分貴賤

23-05-2011  星期一

 

好多時陪父母到油麻地診所覆診時都會見到流浪漢帶著2-3隻流浪狗在這裡露宿，雖然流浪漢沒有錢，但他們有愛！

流浪漢A用剪刀為狗狗預備晚餐
流浪漢B和狗狗談心

流浪漢A仍然用剪刀為狗狗預備晚餐
流浪漢B幫狗狗按摩

他們可能三餐不計，但他們會把自己的美食留下部份，給予他們所愛的同伴們。

他們沒有豪華大宅，只有天為被，地為床，但他總會和狗狗共享他們的天和地。

牠們要的不是什麼五星級的家，不是什麼珍饈百味，要的只是他們的『愛』！

 

 

而那些有錢而遺棄寵物的人……流浪漢都不如

0517~生命無價

17-05-2011  星期一

 

有一對姊妹, 妹妹的前男對送了一隻小狗給她, 而小狗的〝基本〞使用她都會支付和給予, 但〝基本〞之外的, 她是不會做. 而這個家姐也很鍚小狗的.

有一天, 她們發覺小狗吃的比以往少, 而且身體日漸消瘦, 連寵物美容店的女孩也覺得, 所以她們帶小狗到獸醫處檢查. 獸醫經檢查後發現牠的肝酵數比一般高, 之後獸醫給了狗狗藥物, 還著她們覆診, 但她們沒有. 她們所說的原因是…
1, 妹妹覺得她只需給狗狗基本的, 寵物美容包括在狗狗〝基本〞的需要, 而醫病是在〝基本〞之外. 再講, 她覺得狗狗吃藥後還行得、食得, 所以不需要覆診……不知所謂
2, 家姐雖然愛鍚狗狗, 但她無有錢, 無錢的原因是因為她把金錢花費在她的衣服鞋襪上, 沒有餘錢給狗狗醫病……自私

我問：去少幾次寵物店美容咪可以有錢醫病囉?
但朋友認為她們覺得寵物美容所用的錢可以預計, 但醫病係一個「無底深潭」.

＊　＊　＊　＊　＊　＊　＊　＊　＊　＊　＊　＊　＊　＊　＊　＊　＊

有主人不會為寵物〝浪費金錢〞, 但也有寵物主人為求寵物多活一天或快樂, 不怕多花一點金錢.

＊　＊　＊　＊　＊　＊　＊　＊　＊　＊　＊　＊　＊　＊　＊　＊　＊

好友PEGGY, 她老公的狗狗今年已17歲了, 之前的健康還是很好的, 但近來日漸轉差, 後來發現原來牠患了肝癌. 經紅磡某獸醫診所的梁醫生估計, 狗狗可能只剩餘2個月命.

她得知後傷心得很, 每天都哭得雙眼通紅, 還致電給我詢問有關寵物善終服務的資料, 作為預備狗狗到去世一天的資料準備.

我後來看見她妹妹在FaceBook詢問有沒有寵物中醫的資料時, 我記起狗友餅餅在天后針灸和中藥治療的寵物中醫Dr. Grace, 所以把那獸醫資料給予她.

在剛過去的星期6, 她們帶了17歲的狗狗由荃灣去天后見Dr. Grace, 她和紅磡的梁醫生見解一至, 不讚成給狗狗做針灸, 但Dr. Grace說可以服用中藥, 中藥可令牠的病情舒緩, 同時估計壽命可以有大約6個月……雖然只有6個月, 但比之前的多了4個月, 也不錯啦

Dr. Grace開了一些靈芝丸給狗狗, 也配製了一些中藥丸, 藥丸當中有紅棗成份作補血作用.
朋友對獸醫說她早前也買了一些靈芝丸給狗狗. 但Dr. Grace解釋出面買的每粒丸中有多少靈芝成份她不知, 但自己配製的她自己會清楚, 而選用那些由朋友自己決定.
這點朋友也同意, 所以選用了Dr. Grace的靈芝丸.

最後結帳大約3千元一個月藥.
看來好像很貴, 但細心想想, 3千元一個月藥, 當中還有靈芝呢, 所以不算貴了.
在自己還可支付的情況下她會盡力給狗狗醫治的

星期六她們等了2小時, 但到佢時都要睇了一小時, Dr. Grace咁盡心睇狗狗所以覺得等2小時都值得

狗狗服藥幾天後覺得精神好轉了, 只是不太願吃藥

相片攝於2009年3月荃灣碼頭

 

而哥基狗友餅餅(髖關節問題)的藥平均每兩個星期千多元, 加上$3000/10次針灸, 所以價錢都差不多了, 最主要看看開什麼藥.
她還說Dr. Grace那裡是不准只取藥, 如果已沒有藥, 但又未到覆診日子, 她是不批准只配藥,如要藥就要見醫生, 所以每次她都會配足兩星期藥.

她另一朋友的金毛女因CHD(髖關節問題)在Dr. Grace診治, 金毛女比餅餅身體差, 而年紀輕一點, 但狗主非常之不滿Dr. Grace, 說她收得貴, 又針左5次都不見效. Dr. Grace每次多數只會針一邊…今次針左邊下次針右, 但狗主堅持要左右都針, 所以同醫生有爭拗

 

人和寵物睇醫生都要講夾唔夾, 睇Dr. Grace都係, 而且她有時好講emotional… 她有時好有heart向你講解, 但有時好似趕時間咁, 但評價好者居多

醫療科學是日新月異地進步, 而近年Dr. Grace會放多一點時間研究食療方法, 所以可能只在星期二、四、六診症. 而在平日或星期六晨早, 診症的會比較少, 醫生有較心機.

 

其實她們這樣用金錢都係想幫狗狗, 希望牠就算有病都舒服啲, 唔好辛苦之嘛!
而最主要都是出自狗主的心…『愛心』

0513~媽媽的手作仔

13-05-2011  星期五

媽媽這2年開始參與老人中心的活動, 而她今天參加了老人中心五月份的『生日月活動』. 我回家後她高興的取出這手作仔給我看, 我初初估這是中心買給生日的「老友」小禮品, 後來才知這是媽媽親手做的

真的要俾十個叻佢

媽媽說起做這手作仔時表現得十分興奮, 她這樣令我很安慰
安慰的是, 當我們不在家陪她, 她不會狐獨一個, 她除pi pi 了外還有一班「老」朋友呢

溫室中的花朵 風雨中的海燕

截錄自《誰家灶頭無煙火 第31集 - 原來我錯了》
http://mytv.tvb.com/drama/behomefordinner/118167#page-1

名作家 Madeleine L'Engle 說過：
還是孩子的時候
我們以為等長大了就不會再受傷
但成長就是要接受傷害
活著就會受傷

也許這的確是個殘酷的事實
有些父母會選擇任由子女
感染公主病、王子病
也不願放棄對子女實行全方位保護
只有一小撮父母
明白挫折是成長的寄養份
縱使有一萬個不情願
也會逼自己扮演獅子王的角色
眼看著自己的孩子跌倒不伸手
受苦也不去呵護
就是為讓他們可以從挫敗中學習
在獅子的世界
獅子王要訓練自己的接班人
就要做一個殘忍、沒同情心
冷漠無情的強者
才能讓他成長中的下一代
以打敗自己成為另一位強者為目標
所以要和孤獨共處
忍受被誤會的痛苦

---------------------------------------------------

『公主病、王子病』是近年香港人對某些小朋友的名稱, 而那些父母同樣多了一個名詞『怪獸父母』, 在當中已可知道問題所在.

但可知當中是因為怪獸父母的存在才引發有公主病、王子病? 還是因為公主病、王子病才引致怪獸父母?

自問小時候因病痛多, 所以都在父母愛鍚下長大, 但那些愛鍚只點「點到即止」不會過份寵壞, 所以一般的自我照顧是可以做到的, 但比起六十年代的人可能會差一點了.

沒錯, 做父母的總想給孩子最好的, 但過份的就會出現問題, 如何才取得中立? 就要「集思廣益」了

 

對時下某些小朋友行為十分看不過眼, 所以對某些朋友所生的孩子很有期望, 希望她們不會是怪獸父母和有公主病、王子病的小孩.

而我……

 

想講的總是很多, 但不是三言兩詞可以說完, 所以留學那些有學識的人說吧

【鑽石骨頭】的陷阱

睇咗【蘋果日報】段news 之後諗返我早前打的〝笑話〞……【鑽石骨頭】……真係好睇唔好食、唔食好過食、唔住好過住……

雖然住戶有住戶的投訴權理, 但也會有濫用投訴權利的住戶

其實好唔明, 點解當狗狗被人投訴就一定要狗狗遷出, 而唔係要狗主和狗狗一同改善行為呢??

養不教，父之過　狗不教，主之過
係咁樣情況下, 點解唔可以好似強制醉駕刑罰咁, 要狗主和狗狗一齊上堂, 要狗主明白養狗唔係只俾飽飯佢食, 有屋俾佢住, 有時同佢出去玩下就得呢?

生一個小朋友出嚟都唔係有飽飯食、有屋住、有時同佢出去玩下就算啦~
小朋友都要返學, 學智識、學禮貌、學日常生活, 也學習和其他人相處.....等等東西
而近年仲有家和和小朋友一同上堂的親子班呢!

咁係唔係要, 狗主和狗狗一同上堂的親子班較好呢?

【蘋果日報訊】三戶投訴可下逐狗令　寵物行宮尚城有陷阱
http://hk.apple.nextmedia.com/template/apple/art_main.php?iss_id=20110504&sec_id=4104&subsec_id=11867&art_id=15223465
美女打開車門，巨犬跳出，一眾俊男美女漫步草原。長實新盤「尚城」電視廣告凸顯人狗同樂，將大型寵物會所形容為「尊罕寵物行宮」，教消費者憧憬與愛犬共同生活的快樂時光。然而，魔鬼藏於細節中，根據屋苑大廈公契，住戶雖可飼養狗隻，但若有三名或以上業主向管理公司書面投訴，單位即被禁止養狗，養狗權不完全掌握在狗主手上。有人認為廣告誤導市民以為屋苑可自由飼養狗隻，長實回應指條款沒有灰色地帶。記者：夏志禮

尚城位於青山公路洪水橋段 600號，屋苑其中一大賣點是住客會所「 Club CASA」，分為六大主題，其中之一是專為寵物而設的大型寵物會所，設施包括寵物美容室、狗酒店、狗隻瑜伽天地及泳池，為狗隻提供按摩、訓練等服務。發展商稱，會所規模及設施乃同區甚至全港罕見。

市民李先生稱，樓盤電視廣告出現模特兒引領多隻狗隻散步的畫面，但該樓盤售樓說明書中的大廈公契列明，若有人投訴，將被禁止養狗，質疑愛狗之人或怕狗之人購入單位後將引起爭執。

記者直擊　代理派定心丸

記者日前以買家身份，參觀尚城位於紅磡的示範單位。地產代理隨即向記者大落嘴頭，盛讚屋苑如何潛質優厚。記者向代理表示，養有一頭愛吠的大狗，不知可否在屋苑飼養，代理即大派定心丸：「呢個屋苑嘅賣點就係可以養狗，所以先有寵物會所，好多買家都係狗主，你放心。」隨即帶記者參觀示範單位，但一直未有提及公契條款。

參觀後，地產代理及其主管再與記者磋商買賣細節，記者再查詢公契指出若三人投訴則不准養狗一事，主管至此才直認不諱，表示公契列出相關條款，「咁公契列明梗係跟規矩，有三個投訴就唔養得，呢個就睇你個人點養，會唔會影響到人，我都唔知你會唔會養兩隻藏獒 o架嘛！」

長實發言人回應稱，該公司發展項目在大廈公契中對飼養寵物沒有特別限制，尚城公契已訂明住戶可飼養狗隻，但如有超過三個不同住戶作書面投訴，大廈管理人有權禁止被投訴者養狗，條款沒有灰色地帶。

中原董事：類似條款常見

中原地產聯席董事郭家豪表示，這種有條件養寵物條款近年屢見不鮮，各發展商以此設限旨在保障其利益，「咁係避重就輕」，建議市民買樓前小心留意公契條款。

【蘋果日報訊】現時大部份大廈公契不會列明准許業主或住戶飼養犬隻，樓齡較高物業的公契若不註明不准養狗，業主便界定該盤容許養狗。近年大部份發展商為保障利益，在公契註明如有一定數量業主投訴，管理公司有權阻止業主養狗。本報翻查十多份不同發展商近年所寫的大廈公契，除個別列明不准養狗外，全部公契均設相關限制條款。
新地推出的屯門新樓盤「星堤」，公契列明可飼養最多兩頭狗隻，但補充稱：「除非該狗隻引致屋苑內最少兩個單位的業主或住客合理投訴」；另一個元朗樓盤「尚豪庭」，公契亦列明除非獲管理公司書面同意，同時未有兩名業主或住客作書面投訴，否則「業主不得在本發展項目飼養任何貓狗」。其他如恒地「尚匯」、信和「御匯」均設類似條款。

應考慮鄰里關係
有愛狗人士去年自發搜集樓盤資料，並集結成一份「全港可養狗屋苑名冊」http://www.my-piggy.com/private/dogdoglist.pdf，於互聯網發表，詳列 18區可養狗物業資料，截至去年 7月最新版本，全港約有 137個屋苑可養狗，以香港仔及屯門區最多。
愛護動物協會發言人顏綺玲表示，狗主未必熟讀公契，但相信條款是為了保障大廈各業主權益，「狗主養狗都要考慮整體和諧，唔好影響隔籬鄰舍，咁樣就唔會吓吓講到投訴咁大問題」。