1119~致嘔原因？

19-11-2011  星期六

上月尾媽咪話pi pi 試過嘔黃色液體 + 泡, 我諗住只係間中, 所以無急帶PI PI 見VET.
上2星期得知pipi嘔咗2-3次時, 妹在msn都有同我講︰唔知係唔係嘔毛?
我話去日本前已知pipi嘔過1-2次, 所以我已經在娘家切底清潔了一次, 同時父母每日都有簡單抺地, 問題應該不大.
但願來……
我妹話佢哋一星期清潔一次 (佢覺得pi pi 每晚上到佢屋企就瞓, 唔係好長時間係到, 所以狗毛應該唔多)
仲話︰有可能係因為pi pi lam手!
之後佢發我脾氣話佢好忙好累, 每晚收工返到娘家要幫手煮飯, 飯後洗碗, 之後才和老公帶pi pi回家. 她仲話我唔駛煮飯唔知累.

係! 我在炮台山唔駛煮飯, 但我都要洗碗, 之後仲要帶pi pi散步/梳毛, 都用咗差不多一小時.
就算晚上12點, 我都照拖地, 因為我知pi pi散步會貼上好多沙塵, 那沙塵會帶回家.
就算散步回家後pi pi有抺身, 但pi pi都可以從家的地上貼回上身/手腳.
所以我覺得就算多累都好, 最少都要每晚 / 隔晚吸塵 or 拖地, 清一清理地下的塵和毛


就咁, 妹就向我發脾氣了


而尋晚回娘家時媽咪話Pi Pi連嘔咗幾夜, 媽問我知唔知? 亞妹有無同我講
我答︰無！我唔知 

尋晚我在娘家陪PI PI 瞓, 今早7點Pi Pi又嘔 
我已經諗定今日要幫佢book vet, 如果今日book 唔到, 明天都要睇了

早上妹返娘家時我同佢講pi pi 嘔要帶佢睇醫生, 點知佢答我︰嚟梗星期一上午我陪爸覆診, 可以幫pi pi book下午睇醫生, 咁我就可以帶佢去睇.
嘩有無搞錯呀! 仲等星期一?今日有位立即帶pi pi 見vet 啦就算無, 明天都要睇啦, 仲等星期一
你or 你老公咁嘔法仲會唔會等呀?

所以我一返到公司立即打電話book VET 睇開的NPV連醫生／劉醫生都FULL BOOKING, 而徐正雄診所未開，所以立即打去CAU問 (CAU 24小時的)。
好彩有位，, 但LILY用開DR. LI 今日唔得閒, 只可以試下楊醫生。再諗，Pi Pi 應該只係簡單的腸胃炎，應該一般vet都幫到Pi Pi 

</仲有……她係FACEBOOK打
仲有, 她係Facebook 打
「我唔識照顧pipi係我錯, 只係你鍚佢對pipi好.
pipi 病咗你係唔係覺得我會好開心 , 吓吓話我照顧佢有事, 佢係唔係由細到大一次病都冇? 你搞到佢傷/ 病 , 我都冇話過你一句 ,
因為我知你係鍚佢 , 難道pipi有事我真係會好開心?????? 」

我回娘家照顧pipi佢都覺得我怪佢令pipi病，佢係Facebook嘈我只希望佢清潔d，唔好俾pipi吞咁多毛遮，乜有錯咩？

你有無諗過我嬲乜呀?
嬲為唔清潔仲大條道理
嬲pi pi 咁嘔法你都無諗要帶佢見vet, 我出到聲你都話要等星期一

1112~睡

12-11-2011  星期六

Catherine從德國回來了, 12月25日再回德國, 襯這個星期六有時間和CK立即陪佢上深圳逛、食、行書城、按摩
Catherine娘家搬入元朗只是第二年, 她由元朗去深圳今次都係第二次, 避免佢唔識路, 所以我星期五晚在娘家瞓, 星期六到元朗陪她由黃崗過關
我這個朋友算唔錯啩

今晚又可以睇下pi pi 豬的睡姿了

本來預即日來回, 但最後都係要在深圳按摩場過一夜, 但線算滿足而回

1105~豪仔沖繩求婚記

05-11-2011  星期六
 
沙巴回港2-3日就話11月頭去旅行係唔係太過份呢?
旅行回港後的星期日回小西灣晚飯時決定同ck父母&細佬一pair, 一行6人 3-6/11去沖繩4天天。雖然今次去旅行目的是為幫豪仔的「求婚大作戰」而出動，但好似太去得太密，有點兒那過
而且10月25號返新工，返咗唔夠10日訧請假去旅行
但算啦！當係為佢女朋友細細咋！啍！

年頭同我和ck講想買粒鑽石整戒指向細細求婚，但只係叫佢上Bernice公司睇石，一拖再拖，石價也是一加再加。最後到5月頭買下一粒GIF 82份的石。
唉~ 總算搞好第一步了
之後要度戒指size了，但用咗好長時間，旅行團都報埋都未度到仲有一次我同細細出街時，豪仔sms叫我幫佢攞細細手指size呀喂！係你求婚定係我呀？
最後都係由我用最易被識破的方法嚟攞佢戒指size


在11月3日-6日這個求婚旅行，豪仔完沒有idea。而我和ck不停講出意見，但被他一直反對。

提意在送飛機餐時送上鑽戒, 豪仔話「NO」

ck一直把那鑽戒放在相機背包內，隨時交給豪仔“行動”，所以令ck不輪去廁所或晚上行街(唔影夜影)，都要帶背包出街，十份不便而且令ck好大壓力


在11月4日(沖繩旅行的第二日)，在海洋劇場海豚表演時，ck借意去買雪糕，叫豪仔放入鑽戒在雪糕內，等細細食食下食到鑽戒給她驚喜。
點知豪仔買咗汽水(之後豪仔講返︰因為自己口渴，而且見人哋杯汽水上面有個雪榚球，但自己杯無喎！咁當時你唔立即問店員)
之後睇完海洋劇場海豚表演午飯後，豪仔再問細細食唔食雪榚，細細立即話唔食　見到豪仔那心灰表情，我立即扭曲身對住ck暗笑

豪仔又話這晚會行動，所以ck又帶相機背包出去。
行完超市後ck父母話先回酒店休息，而我們4人繼續行街。
這時豪仔同ck講話想“行動”，但ck反對，因為他們父母己回酒店。ck反問豪仔︰你唔係想父母見到這場面才叫佢哋一齊嚟日本旅行咩？
所以“行動”又告吹了


第二日，ck嬲得行去完玻璃館之後就立即把鑽戒交回豪仔手上，唔再陪佢“跟出跟入”。

豪仔成日都想在沙灘送上求婚鑽戒，但他可有想過沙灘係無包去行沙灘呢？
只係後來領隊話去shopping outlet 時會順路經一個沙灘，咁佢先有這"沙灘求婚"機會咋！
而到咗沙漠，豪仔一直無明示給ck知會“行動”，只係我估到一點點。
豪仔拖住細細行出沙灘時，我就一路攞住相機跟實，而ck媽媽好大聲話「行乜呀？返上車坐啦！」，真掃興

到最後在勁大海風吹到乜野都聽唔到情況下，豪仔對住細細單腳嘪跪下，送上鑽戒……
而細細在被風吹到個頭“亂七八糟”的情況下伸出手給豪仔幫忙戴上鑽戒

雖然眼見細細無“爆喊”，但我還是開心/感動得滴下眼淚呢！

今次行動總算成功求到婚啦，如果唔成功就真係唔知點喇！

回港後ck話這個旅行非常疲倦，除了豪仔行動和鑽戒壓力，也要照顧父母和我
而我也覺得疲倦非常……回家後未到晚上十點，所以會洗一機衫後才瞓，但我居然在掛衫時有「攰到想嘔」的感覺呢！

但我還是很喜歡一班人一齊去旅行的感覺