星期六和媽嘈交之後, 星期日妹向各兄弟姐妹發出一個EMAIL, 內容如下：
我尋晚係荔景訓因為亞媽心情好差同埋雙眼好花(唔係暈車浪)唔舒服, 亞媽同珊嘈完血壓一定會高咗D , 但亞媽冇諗過二哥同佢講野時態度係咁差, 所以亞媽個心唔舒服.
尋晚亞媽返到屋企一陣就講二哥同佢講野態度十分難受, 嗰時佢真係想立即走.但佢忍. 我地去二哥果到之前我和丈夫、亞媽去餐廳食咗一 D野, 嗰段時間亞媽講咗好多佢之前 D野, 但一講到早上佢同珊嘈交 ,佢隻眼雙紅最後都忍唔住就哭出嚟......其實屋企做囍事最開心除咗新人, 其次就係養人我哋的"古老石山"父母.......平心靜氣諗吓 .....珊只有農曆 8 , 10 , 11 , 12月可以結婚真係好少日子選擇, 但另一方面亞媽只係唔同意農曆10月, 而男家亦唔同意農曆11月....咁樣雙方屋企都有唔同意的月份, 點解妳地指係話亞媽唔睇諒?
仲有兩個月可以選用, 可惜農曆8 月妳地又話急, 農曆12月妳地又話大掃除清潔屋企........4個月裡面當中亞媽只係企硬細佬生日果個月份唔得, 妳地就覺得亞媽好迷信 , 唔開通, 唔睇諒妳哋, 覺得佢錯, 我同意..... 係佢錯.....佢錯在太錫每一個仔女唔希望任何一個子女有機會受傷 .
我雖然結咗婚都有一段時間亦有同亞媽嘈, 但係我返到屋企都會反問自己點解唔可以控制一吓自己態度/情緒, 係唔係自己真係全對, 沒有另一種做? 法之後我會哭....唔係因為覺得自己錯, 只係覺得自己D 態度咁對亞媽....其實亞媽佢年近80歲, 身體又差. 係唔係佢有事才後悔?
我唔係幫亞媽只係希望你哋同佢傾珊結婚件事時, 留意自己態度, 控制一吓自己情緒... 係我人感覺.....
-----------------------------------------------------------------------
之後我回覆：
我同媽嘈完之後會開心咩? 你覺得我無喊咩?
農曆12月係ck和他媽媽2個生日呀, 而農曆10月係他爸生日, 佢爸都無出聲話唔得, 我在佢哋一家人的壓力下我會好受嗎?
我夾係媽和男家中間我會好受嗎? 星期五晚和ck嘈到只係欠一句"唔結婚"咋!
妹, 你都唔係唔知早2年睇流年時已經話我, 如果在這1-2年唔結婚會散. 咁你覺得我仲可以等遲1-2年嗎??
如果因一個日子而令我這十年感情無咗, 你們會安樂嗎?? 當然愛情和親情相比, 我當然覺得親情重要, 但點解唔可以做d 2 邊共存的方法呢??
媽除了話十月唔得外, 我話改八月, 佢一句 "好似志偉老婆生日, 都好似唔得". 咁你係我會點呀? 男家已經退讓, 趕d 都去改為八月, 但佢再講一句唔得,
咁你話我仲有邊個月可以?? 唔通真聽媽講係四月呀??????
我未因星期六的事已經諗定...明, 麻煩你這幾個月和在我結婚當日照顧爸媽, 其他的事我搵朋友幫忙, (我唔係因為嬲所以唔收你做結婚當日的姐妹團,而係希望有一個人全日take care 父母)...謝謝!
另外, 嘈咬前已經諗住這個星期6 or 日 (8/5 or 9/5)同媽出外dinner, 請問你們(各兄弟姊妹)可以陪我嗎??
我唔希望當日又再因婚事再同媽嘈, 希望你們幫忙...謝謝!
-----------------------------------------------------------------------
妹回覆：
仲有 E+ 唔係妳嬲我 ....係我嬲呀! 妳結婚當日我都係諗住照顧佢地 而且我都唔再想理妳結婚D 野. 9/5 個日妳叫到亞媽去先算LA
-----------------------------------------------------------------------
你係我, 你係會點? 如果我唔回佢EMAIL , 佢會覺得自己啱晒, 但同佢嘈都無用, 最後我無再回覆佢EMAIL 了...... 算吧啦!
-----------------------------------------------------------------------
再來下文。。。。。。
在5月4日我和妹的MSN中。。。
星期6食飯有冇通知亞MA
有沒有提供星期6 叫佢去食
我說 :
我叫細佬同媽講
妹說 :
咁...妳大獲
妳E+好立即叫細佬約
話佢遲又同亞媽講
我 說:
唉
我有時真係覺得唔知佢係家姐OR 我係家姐囉.....唉~
而當晚媽打電話俾家姐和細佬價時話唔好"SIZE"錢, 當晚食好貴, 不如下個月父親節先食, 同時家姐個仔發燒, 都唔知星期6仲有無病.
之後我妹有幫口話：大吉利是, 你都唔希望小朋友病咁多日掛, 難得佢哋出嚟, 你咪同佢哋玩下, 順便攞埋早前買D 衫仔俾小朋友囉!
就係咁, 媽無再話星期6唔去DINNER 了
沒有留言:
張貼留言