ck睇完mk樓上舖之後又係嗰句

04-06-2010  星期五

那天雖然因他媽媽租衫事件而嬲了他數天, 但心軟的我還是主動帶他看看那裡的禮服

午飯時間和ck到『囍情』看看那些禮服.
細問下「媽咪衫」外國租一件680, 租2件每件$580, 但3件都是$580. 這個價值不算貴吧! 總比『法國』$880便宜 

 

和CK問過價錢和看過款式後便離開, CK和我簡單談過款式和價錢後他忽然向我說：點解在法國租衫時我唔反對
我答：佢哋5把口話租, 我可以say no咩

心想：那天在金都商場JENNY 過這句, 今天CK也是說這句
那天他們5人說租, 我可以說「不」嗎? 錢已付了, 我現在可以說「不」嗎?

 

 

返回公司在msn中與妹和jenny 講述CK剛才那句「點解在法國租衫時我唔反對」的事.

jenny反說：我地話租, 但你唔點頭, 冇人會落單的. 個個都係等你回覆,好似我地話個地點唔好係山頂,你最後都係要揀山頂啦~

我回說：山頂細細一開始就撐我, 所以有得傾嘛.

但jenny 反駁：細細最後冇撐你架~ 我地最後都叫你諗架~ 但你坐係到睇完d相, 都係揀山頂架~

我回說：我一睇裙掛唔得, 已經e e 鵝鵝了.

jenny 再說：我都冇出聲啦~ 我都話不如出去租, 咁你又冇傾下~

之後我妹打完場說：過咗去啦 , 錢都畀咗!

我也應同：錢都畀咗....咁又係...唉~

這樣3人對話的MSN就完了.

 

之後妹再向我訓話：妳唔好再因為租衫一事記係心, 算吧! 不好再提了.

我說：如果唔係ck 又咁講, 你估我想諗咩, 一個2個都話我嗰日唔say no, 我say no 無人理我咋!

妹說：我知, 但妳成日提都沒有用 , 不如開心的睇衫, 不好搞到成日記係心.

我回：咁不如叫佢哋唔好再同我講點解嗰日唔say no, 細細話第一個應同係法國租的係jenny. 因為佢話在其他地方租類似的, 而且唔包頭飾/手飾, 法國個價差不多了(包頭飾/手飾), e + 佢仲好話我點解唔say no喎! 當日睇裙掛款唔得、男裝唔得．．．只係婚紗和晚裝得.... 如果2個媽咪都揀唔啱, 唔通我一個租晒6件咩!?

妹說：放心啦, 唔好諗咁多野, 我結婚前2天才找到婚紗,我都OK啦, 唔好咁緊張, 最最壞打算租姊妹衫等等

我說：俾貴咗租唔係問題, 我最嬲係佢哋話返我轉頭, 話我點解嗰日唔say no 呀!

妹說：我都知! 我都明白! ....妳成日記住會好唔開心, 結婚係開心的事, 忘記佢啦! ...而且大家係朋友, 再記住咁妳咪搞結婚搞得唔開心, 唔通妳要記住一個唔開心的過程, 一生人一次, 唔好記住, 開心享受吓搞結婚的過程, 我冇錢搞 , 但我都享受到, 好唔好再咁諗啦!

我：唉~ 我一開始搞時已經唔開心啦, 根本嗰一下唔想再搞落去

妹：我都叫妳唔好亂諗野, 結婚係咁 , 個個搞時都有問題, 只係妳點睇個件事.

我：如果嗰日租衫, 佢個個都話yes, 只係我say no. 係! 最後都可能唔在法國租, 但我會俾ck 話囉, 而且仲會黑面, 咁你覺得嗰一刻我有得say no咩, 總言之.... 我唔like 佢哋再話我點解嗰日唔say no啦! 錯的唔係我, 仲要話我, 如果佢哋再講, 我一定會黑面

 

事件過去就過去, 不要再追究, 為何總是重提呢? 為何總要鬧不快呢?
可能因為每個人的想法和處理方法都有不同吧!