0423~行邊條隧道不是由我話事？

23-04-2012  星期一


由娘家(葵涌)帶pipi回炮台山, 我一般都在晚飯後叫“折的”(折扣的士), 唔難搵車, 而且行紅隧多. 間唔中都被要求行東隧. 行紅隧車程一般都係$95(未折)+$10隧道費, 平過叫van ($115-120包紅隧)

但在下午4-6點的士交更時間很難叫車, 就算叫到好多時都會要求行東隧$25(東區海底隧道), 會比行紅隧$10(海底隧道)貴而且仲要兜上北角去觀塘才落葵涌(由炮台山回娘家). 單計車程都貴$20-$30, 再加埋隧道費會比紅隧貴$30-$40一次
所以如果唔急, 我會要求折的行返紅隧, 或叫租van行紅隧.


但昨日下午回娘家時問了3個van仔台, 3個台都話無車, 所以只好叫回“折的”, 好彩叫了一會, 大約5:30時有“折的”回覆.

上車後的士向銅鑼灣方向行駛不久, 司機問行邊條隧道, 我心諗你一開車向銅鑼灣方向駛唔通仲行東隧咩? 
我一話行紅隧司機就回應我好塞車, 起碼要塞20分鐘, 叫我轉東隧$25或西隧$45(西區海底隧道).
但我心態一直都係行紅隧, 所以"係咁依"打電話問ck. ck一聽到立即話西隧好貴, 叫行返紅隧, 塞都唔會塞20分鐘.

當我一同司機講行返紅隧, 他就話兜去跑馬地再落返紅隧. 我問行灣仔得嗎? 他表示一樣要行海旁一樣塞.
講真, 個司機點會我講呀 最後都兜去跑馬地.
在住跑馬地方向的橋上, 見對向線落隧道方向的車路塞塞地, 要慢駛. 那時開始會聽到司機間中發出「o即o即聲」.
原來落隧道方向修路, 所以要2線轉1線會有點慢. 過咗修路位已經算叫暢通, 真係比由灣仔海旁方向快入到隧道

但之後司機到去紅隧口仲「o即」; 在紅隧中都「o即」梗; 出到紅隧因燈位要停又「o即」,
上到西九龍走廊直駛先叫無乜點「o即」咋

最後回到娘家車費$11x, 連紅隧費只是多比平時十元左右, 這總好過俾佢行東隧$25或西隧$45

 

那「o即o即聲」司機的態度, 真係好想投訴