pi pi 無理被投訴(下)

04-12-2008 星期四

今天早上, 媽媽向我表示作天整晚想回事件, 令她不能好好安睡 .....pipi被無理投訴而令媽這樣, 真令我心痛

我和妹決定使用電話中的3人會議功能, 致電本村辦事處管理主任了解和談論「pipi被無理投訴」事件......

 

對話內容大約如下.........：(因記憶有限, 所主任和妹說話內容部分被刪去)

我：聽我媽講房處有職員上黎我屋企, 我想了解返件事.

主任：尋日總署收到報館電話, 話有人寫信去報館, 表示經過你單位時, 你隻狗吠佢.

我：寫信去報館? 寫信去報館定係直接去總署??

主任：o個人寫信去報館, 咁報館d人通常會先同總署講, 而總署通知我地. 咁我o地收到總署通知後, 我o地需要了解件事, 所以我尋日親自上去你屋企了解. 而我已同你媽講返, 有人行過你屋企門口時你隻狗吠.

我：如果o個個人只係行經我門口, 我隻狗一定只係望下唔會嘈; 但係如果一個陌生人企係到或者敲我屋企門, 咁佢一定會行出黎睇下係乜嘢人. 如果係識, 佢會入屋話返俾我媽知「喂! 人搵你呀.」咁樣.
但我媽同我講返o個個人攞住卷報紙, 報紙裡面有無包住野, 我地唔知; 同埋佢係鬼鬼鼠鼠; 另外, 我媽話唔識o個個人, 未見過, o個個係乜o野人先??
如果佢根本係一個有心計的人, 係到咁樣投訴, 佢有乜嘢意思?? 等佢整走我隻狗之後, 佢有下一步行動咁點呀??

主任：我o地唔係只聽o個個投訴, 我o地都會進行測試, 而尋日我無預先打電話去你屋企, 係你屋企門口做過測試. 我先係你屋企門口行經, 你隻狗無出到黎; 我再大力踏步發出聲音, 左右行過都無問題; 但我企係你屋企門前面大力踏, 咁你隻狗好快撞出黎, 仲吠我. 咁我地接到投訴當然要做嘢啦. 我只係希望你o地唔好影響人地.有人行過會被你隻狗嚇親.

我：如果pipi真係影響到人, 我當然唔得啦. 但鄰居行出行入經過, 我隻狗係唔會嘈; 而如果我隻狗係唔係都嘈, 無理咁嘈, 我被人投訴, 咁我就抵死. 但e + 唔係呀嘛!
只不過有人係我屋企門口裝下裝下; 又或者係你搵我屋企人, 咁狗狗只不過係「吠」同我媽講.
同埋我諗o個個人攞住卷報紙, 佢係唔係想對我隻狗做咗d 嘢呀!?  仲有o個個人係唔係我地大廈住戶先????? 我都想知如果佢根本唔係我地大廈住戶, 而咁樣做的話, 咁倒轉黎講, 我會驚囉.

主任：但我無攞嘢佢都吠喎. 而你隻狗係撲出黎唔係行出黎喎. 而o個個人係唔係住戶我地都唔知, 只係收到總署電話我o地點都要上黎查下, 了解下件事. 而我上黎時的確你隻狗有吠, 我只係希望你o地係鐵閘前加個閘或加高塊板, 又或者關埋門, 唔好影響同其他人.

妹：你係我屋企門前咁大力踏出聲, 俾你都會出黎睇下乜事啦!

我：但我想問一樣野, 如果一個人企係你門口經過dum地, 你會唔會開門望下, 之後問「喂! 你搵邊位呀?」咁呢? 
無可否認, 有人經過我門口, 我隻狗走去望, 可能你覺得係撲出黎, 但佢只係急步行出黎望.

主任：佢係撲出黎唔係急步行出黎, 而且仲吠我.

我：你咁樣企係到搞我屋企佢當然吠啦!

妹：o即係等於我敲你門, 你都會出黎應門啦!

主任：佢咁樣成日吠會影響到其他鄰居喎!

我：如果d人行過我屋企, 我隻狗周不時都嘈, 咁我都覺得係我o地錯. 但佢唔係呀嘛! 如果我屋企門口咁多人經過, 佢唔係個個都吠, 佢只不過係陌生人係我門口做出某d 動作, 或者發生某d事, 佢先至發出一個詢問或者警告; 咁等於我地會話「喂! 先生或者小姐, 你搵邊位呀?」, 就係咁咋喎! 如果你係咁行過佢都吠, 咁就真係我隻狗錯. 但只不過因為你企係我門口做出某d o野, 咁我覺得我隻狗又唔係錯得晒喎!

主任：d人成日行過佢都沖出黎, 同埋吠, 會嚇親人. 而且如果d小朋行過, 你隻狗忽然咁沖出黎, 會嚇親d小朋友.

我：無喎! 佢只係就咁行出黎望, 之後走返入屋囉喎!

妹：我o個層咁多小朋友經過, 同埋係走廊玩, 仲有時走黎走去都無事, 有時d小朋友都會係我門前玩tim, 都無事啦. 只係o個d唔知乜嘢人企係我門口或者搵我媽先會吠2聲. 我唔想咁就收到無理警告.

我：同埋一樣o野, 就係話如果係我隻狗錯而受到警告, 口頭警告或其他, 我心甘命抵.

主任：而家只係上黎了解件事, 回報俾上頭知, 未算係警告.

我：如果我隻狗真係幫到左鄰右理看門口, 而你夾硬趕佢走, 到時有d 乜o野事!? 喂! 無人想喎! 我都聽過對面鄰居講「佢真係幫到手呀, 我聽唔到有人敲門, 佢吠咗幾聲我就專登出黎望.」咁我真係知道如果有d 乜o野發生, 佢真係幫到手.
我媽係屋企, 而老人家聽覺唔好, 佢自己一個係廚房做野, 有人敲門搵佢, 佢唔知o架喎! 係全靠我隻狗幫我媽, 叫我媽「喂! 有人黎呀.」咁o個時你覺得佢吠, 其實佢軨轉面o個下吠定, 只係同我媽講「喂! 有人呀, 你快d 出黎.」只係咁, 之如何類.
同時你尋日同我媽講「唔係有『暫住證』就可以咁樣嘈」....我無話有『暫住證』就大晒.
我唔希望因為尋日咁樣對我媽講, 令我媽心理有影響. 佢今日已經對我講「尋晚瞓得唔好呀! 我真係好驚o個個男人唔人知乜野人黎o架? 唔會佢會唔會毒我隻狗呀? 我又唔知佢報紙包住d 乜, 一陣間斬死佢咁點呀? 佢已經講話毒死佢或者斬死佢, 咁點呀?」

主任：所以叫你o地門口加高塊板, 咁如果o個個人想對你隻狗不利都可以避.

我：咁如果o個條友有心毒佢, 只係需要掉d o野食入黎咋!

主任：到時你咪告佢囉!

我：但係我無證據告到佢喎! 仲有, o個個人係d 乜o野人, 係唔係e 到住客無人知喎! 最驚就係話佢係不懷好意, 專登做某d o野....咁真係個個都唔想囉!

妹：咁我e + 想備案, 因為我唔知o個個係乜人, 我驚佢會傷害我狗隻.

主任：如果你要備案你應該係報警, 唔係同我講.

妹：咁我唔知o個個係乜人, 我e + 懷疑o個個係可疑人物, 我e +要求備案.

我：係呀, 佢恐嚇同我媽講「我要打死你隻狗, 或者毒死佢.」

主任：你e d 都應該係向警方報, 唔係向我e 面備案.

妹：咁o即係我報警前唔駛預先通知你地啦!? 如果我係e 到見到可疑人, 都唔駛向你地房處講? 咁o即係我e 一刻見到可疑人都唔駛同你地講, 直接報警啦!?

主任：係, 你直接報警已經得.

我：我想問o個個人報去總署, 而報去o個個人唔會理係唔係住客, 又或者其他. 咁過2日o個個人無經過我門口, 但照打電話或其他方法投訴「喂! 隻狗又咁樣嘈」之類. 一個莫須有罪名的情況下....咁我咪好唔抵囉!?

主任：所以我希望你o地先做d嘢, 好似關咗大門或加高塊板, 令到o個個人覺得你係有改善而唔再黎搞你地.

我：咁啦! x小姐, 我麻煩你再試下係我門口再經過, 唔好專登企係我門口引我隻狗.

主任：我尋日已經測試咗啦! 唔駛再試. 而如果有人跑過, 咁佢撲出黎都會嚇親人.

我：跑無問題. 總知就係唔好專登企係我門位置, 或我門口對住o個家人d位做出某d行為, 只係普通咁經過, 你睇下佢吠唔吠.

主任：我尋日行過都無吠.

我：咁咪係囉, 如果只係普通咁經過無吠.

主任：............. (sorry! 內容忘記了)

我：我明! e 樣我明! 但我想問下, 如果你經過佢無望你、嚇到人或騷擾, 咁你會點同總署講返件事? 我都係想知, 因為真係令到人地受騷擾, 我都要知.

主任：我會照實同上司講, 之後等上司報告俾總署知.

我：因為我希望你明白, 我媽都好緊張隻狗, 我唔想搞到我媽瞓都瞓唔好. 因為佢都好驚. 唔想有d 乜o野事發生

主任：所以希望你地暫時關埋門先, 咁大家都做d 嘢, 唔希望再有事發生.

我：好呀！唔好意思呀阻住你.

妹：希望你明白因為我地好緊張隻狗.

主任：.唔緊要, 我明白, 但都希望你地都做d嘢, 加高塊板或關埋度門.

我：明白！明白！好呀！唔該你, 好意思阻住晒你, 唔該你! bye bye!

 

-----------------------------------------------------------------------------------------------

很多爭執都是一些沒有養寵物的人, 因不明白寵物行為, 而與養飼寵物的人發生爭吵的. 這樣真是苦了我們這班明白寵物行為的主人了