02-12-2008 星期二
下班回到家中媽向我說：「今早大約9時聽到pipi係門口吠, 我望下乜事, 再見到pipi個頭穿過鐵閘, 望住左邊過2間屋位置的樓梯口再吠. 咁我咪開門睇下囉!(當時因為媽在上香中, 所以鐵閘沒有上銷.) 當望向樓梯口時, 見到一個肥男人企係樓梯口到, 攞住卷報紙物體作勢想打pipi咁 (媽唔知報紙裡有無包住d乜), 而且個男人仲好惡講...我實會打死你隻狗 or 毒死你隻狗(我媽唔確實佢講邊句). 之後那男人就走了, 我也關上門.」
我叫媽這幾天小心, 小心o個個男人真係用野毒死pipi 或用野整傷pipi
03-12-2008 星期三
下班回到家後媽向我報說：「今早房屋辦事處有人上黎, 話收到總署通知, 有人投訴所以上黎睇睇. 而pipi見到辦事處個女士就吠咗幾聲, 因為唔知佢係邊個. 我向佢詳細講返尋日件事, 同時話o個個人從未見過, 鬼鬼鼠鼠咁, 都唔知係乜人….但佢都係話：總知pipi吠就唔應該
再話佢o黎到pipi都有吠. 仲有, 唔係攞咗『暫住證』就大晒喎喂! 我地無話有『暫住證』就大晒pipi點知你係乜人, 企係我地屋企門口想做乜. 我未出黎應門pipi唔知你係邊個, 吠2聲都好正常. 最後辦事處個女士叫我係門前加高塊板或關上大門. 嘩! 關上大門, 空氣唔流通想焗死我呀! 政府唔係叫d 人保持流通咩. 」
這事令我一家都覺得十分氣憤
04-12-2008 星期四
今天早上, 媽向我表示整晚想回事件, 不能好好安睡
我和妹便用3人會議, 致電本村辦事處管理主任談論這事......
~ 待 續 ~
你下次說d政府宣傳片都教啲小朋友當遇到陌生人向你有所行動時, 要大聲喊架
回覆刪除我隻狗只是在保護家園吠了2句遮, 駛唔駛咁先, 你點知果條友係咪住上址架, 鬼鬼鼠鼠, 依家仲惡人先告狀！！！
比著我都投訴佢, 態度差, 其視pipi
[版主回覆12/11/2008 23:08:00]我都好想投訴返轉頭, 但「官」字2個口, 我費事連屋都無得住咋
可憐嘅pipi, 搞咩啲人成日對狗狗咁歧視架, 依家咁多精神有問題嘅人, 真是要小心啲呀
回覆刪除[版主回覆12/11/2008 23:09:00]pipi, 你聽唔聽到呀, cobi媽叫你小心d呀 你唔可以咁餵食先得喎
pipi落街要小心點喔~~見到陌生人吠是他們的天性, 唔吠就怪了....又不是經常在家亂叫!!
回覆刪除[版主回覆12/11/2008 23:13:00]無錯! 落街散步都要小心....行時到遇到某d「南亞族裔 」人士 or 小孩都要小心, 因為佢地會虾pipi ka
我地見到d陌生人都會望下果條友係乜水,
回覆刪除又或者會問佢搵邊個啦~ 何況隻狗狗,
如果d狗狗見到陌生人都唔識吠, 咁就死得啦~
房處d人都有問題的~~
[版主回覆12/11/2008 23:15:00]應該叫房處d人學下同寵物傾計, 了解下佢地d心事