我真的"多管閒事"?

31-05-2010  星期一

昨天租裙褂前先到『囍情新娘服務公司』看看賣斷和外租的「媽咪衫」, 當中看見其中數件款式不錯, 向店主詢問後, 店主表示每條裙可收放的尺寸有限, 所以最好知道穿著的人三圍尺寸. 我立即致電給CK, 但睡眠中的CK聽到我這一問, 他火著說了幾句後便掛上電話

 

晚上再和CK 在電話傾談時他再不滿的說：無啦啦幫我媽睇乜衫呀?! 

 我話：你星期6才講要抽時間陪你媽睇衫, 咁你和你媽2個去睇, 一定睇唔到d 乜, 我哋幫你睇定d 唔好咩.

他說：話你只講出去和ming食飯, 和租裙褂, 無話睇媽咪衫.

我說：你大陸返到屋企就可以瞓, 我和JENNY 無休息就出去睇衫.

他再說：因為你哋約咗MING食野嘛.

我話：我和JENY 都未食野, 食D 野都應該掛.....食完野之後先睇媽咪衫, 之後才睇自己D 衫呀, 我睇裙掛都只係用咗好少時間, 睇媽咪衫才用得多時間....... 諗住幫你分擔下, 唔駛你和你媽咁煩.......唓!點知得嚟俾人話, 好心著雷劈..... 你媽真係當嗰日一般食飯呀? 咁我唔駛租衫啦, 搞咁多做乜呀?

佢最後一句話：你下次睇之前可唔可以同我講聲

我話：好, 咁你當我今次只係睇我媽d 衫啦

之後ck和我2個都無再講野
最後ck叫我早d 瞓, 我一句bye bye都無就收咗佢線

我唔會再自動出聲話陪ck睇媽咪衫而且我唔會主動啋返CK的我唔會理佢. 最嬲係我做咁多俾CK 話呀好似話我多事.
算! 佢唔出聲我唔會再理, 唔通用鎗指住佢去睇衫咩!? 唔理了, 佢唔出聲我唔會理

 

 

02-06-2010 星期三

嬲了ck2天後......

 

CK問細細知唔知我嬲完未呀?

細細答：連阿珊都唔想同我多提,只係願意透露少少啲, 你咪睇吓佢有幾嬲囉 ......