基媽好「假」呀

星期六去晴晴生日會, 而舉行時間係下午3:00-6:00

當日基媽基爸2公婆成4點幾先到, 之後同我和達媽傾談時話:「之前去過d小朋友生日會, 知道好悶, 所以唔會咁早到.」

喂! 大姐, fer姐d 親友都到齊, 只久你地2個; 而fer姐仲同我地講, 等埋你地2個到之後才切蛋糕.........真係全世界等你地2個呀

佢地到咗不久就切蛋糕食, 大約5點多, d客人食完蛋糕就陸續走了.

 

如果佢地2個咁唔想到就唔好黎啦, 又話遠又話車程耐, 仲話搭到佢地暈車浪( 話由沙田火車站搭62k小巴搭咗好耐), 但我和達媽都唔覺, 最多咪10-15min.
因為我搭的火車到沙田站時睇錶係2:27pm, 之後出車; 出閘; join 達媽行去小巴站; 在小巴站等車大約都超過5min; 乘車到達會所時係 3:05pm......咁所以我和達媽都覺得小巴車程最多咪10-15min囉 咁你都話頂唔到, 係唔係呀

夜晚見到ck同佢講返件事, 佢都話基媽基爸有無搞錯, 咁唔想去咪唔好去囉
我仲話, 去飲人地d結婚宴咪仲悶, 咁不如唔好去啦 又唔通去飲時怕悶, 就等到人地入席開始食先到呀 
怕悶遲少少都唔係問題, 但都唔好咁遲呀嘛

 

尋日收到fer 姐sms訊息, 多謝到臨晴晴的生日會, 而今日仲收到佢來電.
而在傾談中, 佢話基媽唔舒服都黎, 好多謝佢........我心諗, 佢話悶先唔咁早到咋, 你都唔知

算啦, 我唔講出黎fer姐應該會開心d, 而且我唔想做「八婆」, 少講為妙

 

「假人假意」的她, 少d接觸好d