結婚問題和選擇

有細細和伯友幫忙真好, 因為...... 其實這2星期的晚上我間唔中都有問ck有關安排結婚的事, 但好多時講多幾句佢就覺得煩, 唔想傾...唉~~
講真, 我都好難做& 難受, 結婚事唔係只由我話事便可, 我提出的數個選擇給他都要得佢同意才行. 
 
我都知係煩, 但時間唔多, 仲唔決定到時拖下拖下得返d 時間仲短仲煩呀
 
ck 今早都有同我講, 伯友諗過在酒店註冊和lunch buffer or tea buffer, 這個我都覺得幾好, 唔駛一日走咁多場, 咁趕.
請親戚之餘, 仲可請埋朋友和同事, 但我都要同過我媽先得. 因為我媽不是伯友咁開通, 所以有一定難度
如果我媽唔想, 可能都要擺幾圍for 女家親戚, 到時要麻煩伯友和世伯了
 
另外... 酒店地點, 除了灣仔和銅鑼灣外, 可否諗諗尖沙咀呢? 我知ck 麻麻九十多歲希望她不要周車勞動, 但如果我媽接受lunch buffer or tea buffer,
我想請由細睇到我大, 姐姐的契娘 , 她也九十多歲, 但行動沒有ck麻麻那麼好.
地點....待收集資料後再說吧!
 
 
另外, 我早前給ck 選擇而未回答的問題：
 
註冊 / 晚宴：(早上要接新娘+回男家+3朝回門)
1, 租場註冊 + 晚宴
2, 大會堂註冊 + 晚宴
3, 晚宴同時註冊
4, 註冊後與到場人士LUNCH, 數個月後才晚宴.
 
結婚相：
1, 結婚前香港+外地影
2, 先香港影, 結婚後度蜜月同時外地影
 
結婚介子：
1, 一對長戴, 當戴一段時間花了之後取回店子磨平
2, 結婚一對, 同時另買一對長戴, 而結婚介子長其放入保險箱
3, 結婚一對, 幾年之後再另買一對戴, 而結婚介子長其放入保險箱
 
婚紗禮服：(影婚紗相+註冊+晚宴)
1, 廣州買
2, 租用
 
註冊和晚宴攝影、錄影：
1, 不外租攝影、錄影, 只請親友幫忙
2, 只在註冊時攝影、錄影, 晚宴請親友幫忙
3, 註冊和晚宴同樣請攝影、錄影
 
花車租賃：
1, 主車和兄弟姐妹車向親友借
2, 主車向外租賃, 兄弟姐妹車向親友借
3, 主車和兄弟姐妹車向外租賃