0611~瘋狗症??

11-06-2011  星期六



每次唔小心被PI PI 咬到, 我必定會向身邊的人說：
如發見這幾天本人有不正常行為 eg.怕光、怕水、流口水
請代為報警叫白車

事原今早PI PI咬舊牛筋骨俾我, 諗住叫我同佢玩, 但我一面同佢玩, 一面同媽媽傾計. 點知一個不留神被PI PI 咬到
被咬之後PI PI無表現得好驚或知錯, 因為……我未同佢講, 佢已經攞咗件牛筋玩具走去咬, 理都唔理我了





其實幾年前都試過被PI PI 唔小心咬到, 深到可以穿破指甲, 第二天發炎有濃, 最後要睇醫生攞消炎藥.

那次其實我好驚要打瘋狗針, 同時驚PI PI要到漁農處坐監呀!
但醫生知狗狗有定時打瘋狗症預防針後, 她就無講乜了, 只係俾咗消炎止痛、抗生素我, 同時叫我小心處理傷口咋





而第一次被PI PI咬, 是在紅磡間獸醫診所……那時牠大約1歲多
記得那次, PI PI診症前那隻狗狗係打針安樂死的.
我哋係接待處等時, PI PI 唔知聽到D乜, 佢好驚, 行唔安, 坐唔落.

輪到牠入醫生診症室, 牠在治療枱上不停郁. 當獸醫幫PI PI 肛探時, 佢好似癲咗咁, 仲好大力咁咬咗我隻手拳的虎口位和母指對下那位置一口.
獸醫對PI PI 這行為都有D驚.

而之後每次到這診所PI PI都好似有點不安, 所以我哋都搵咗第二間診所俾PI PI了.





我相信PI PI數次咬到我都係唔小心的, 是無意的