1009~PiPi傳心說unlike

09-10-2012  星期二

我在哥哥姐姐家住時期, 哥哥姐姐差不多每晚都會帶我落街散步和梳毛的
以前會去銅鑼灣消防局後面, 東區走廊下面的銅鑼灣海濱花園(避風港), 那裡可以對著維港, 看著夜景, 多舒服.
但因為哥哥姐姐怕我由炮台山行到那裡會辛苦, 而且那裡多蚊蟲, 姐姐經常被咬到"一達達"蚊蚋, 所以想另覓地方

有一晚, 她們行到維多利中心, 見到大廈下面有個位, 覺得幾好, 近一些, 行少2-3條街, 姐姐哥哥覺得我會無咁辛苦
如落雨, 有瓦遮頭, 間中有風, 蚊蟲不多, 人又少. 當然, 間中都會有人帶狗狗來坐坐

本來都ok的, 但近來我開始不太喜歡這裡了……
回想, 可能是從有一晚, 有一對男女在我們後面的座位唸什麼經文後開始不喜歡的
那晚, 我已經感覺不太好, 想立即走了

那晚之後我開始不願去那裡, 去到, 總想立即從石座位上跳落地跑走; 姐姐幫我梳毛時, 我總要企在她大腿上才可梳一陣; 也試過姐姐feel到我臀部是震震的
總之, 渾身不自在

這2星期...我開始行下停下... 有時總想行反轉頭

最近一次試過只有ck哥哥帶我去, 我更不想去, 最後中途折返回家

姐姐哥哥也試過改路去, 由對面馬路行去, 初初還可以, 之後又越來越不行
最後今晚.... 我直頭行了不久後下坐在街上, 拉都不行
姐姐這樣拉我, 她總會心痛的, 之後試抱我行一段路之後再行, 但我行了2步又坐在街上
過馬路中途也會不願行, 坐在馬路中心

其實姐姐心知我不like那裡的
ck哥哥話可能那裡多狗尿味, 但姐姐覺得不是, 消防局後面好像更多

之後我賴皮的坐在街上, 姐姐用心同我傾計︰做乜? 係唔係唔想去嗰到(維多利中心)?
係!!!
姐姐再問點解?
我只答︰唔鍾意!
姐姐聽到後向我說︰好! 去翻以前個公園, 唔去嗰到(維多利中心)!

我初初不信, 怕她們又行行下, 行返去嗰到(維多利中心), 所以我都不行, 坐著

姐姐叫ck哥哥抱我行一會, 行到過了經維多利中心那條路之後放我落地, 我立即開心向消防局方向行了

ck哥哥問姐姐之後點? 姐姐話無法!!

確實, 消防局後的銅鑼灣海濱花園環境優美很多 

回到家, 姐姐幫我抺身, ck哥哥還不停話我曳, 不乖, 不聽話
之後叫我鍚他

嘩, 嬲到我火屎呀, 仲話鍚

姐姐感應到我氣沖沖 她立即叫ck哥哥不要再說了
她叫ck哥哥不要再話我不是 還叫哥哥氹翻我……之後哥哥叫我鍚鍚他
姐姐叫我不要再嬲, 同時話往後會去消防局那邊散步和梳毛

因得姐姐幫口, 我才鍚返哥哥咋

姐姐話, 希望幾個月之後搬去電器道住, 那裡近消防局一點, 大家不會太辛苦
而蚊蟲問題……只好多噴一點蚊怕水啦