嬲到想立即報警

31-07-2008  星期四

今日收工帶pipi落街散步, 行到停車場入口個「更亭」位置時見到一個流浪貓仔跑過, 我初時無乜點理. 我行多幾步之後, 聽到後面傳來有個細佬聲音大聲咁話:「隻貓o係o個到呀! 」我立即望返後面, 見到3個細佬(年齡大約小三至六)追住隻貓仔, 仲用bb彈槍(氣槍加入膠珠o個類)射貓仔.....

我立即拖住pipi行返轉頭大聲喝止佢o地(其中2個細佬,另一個唔知行咗去邊):「你地做乜呀! 你o地好停囉喎! 你知唔知虐待動物要罰o架! 你o地係唔想坐監呀! 如果我見到e 個邨有流浪貓流浪狗受傷我一定話係你o地, 聽唔聽到呀!」

之後見到另個細佬好似仲唔知死咁, 由斜路行返上黎, 佢個表現好似仲搵緊隻貓仔黎射, 所以我再立即大聲鬧:「你聽唔聽到呀! 你係唔係要我影你o地相呀! 你係唔係要我立即報警先得呀! 唔好再射喇, 唔係我唔客氣ka!」

而坐o係到個亞伯話:「係啦! 鬧佢地啦! 」

3個細佬咁就行咗去

後來同pipi一路行我一路「興」, 所以決定會o係e幾日打封信去e個邨2間小學、3間中學、本邨房屋處、2個屋苑委員會....等等. 一於搞大佢

順便投訢埋班「南亞裔人士」d細佬, 唔好見到我地拖住ga狗狗或d 流浪狗, 就用石仔或垃圾掟d狗狗 再見的話我都唔會客氣o架

sent信去咁多地方, 係因為教育人們唔可以虐待動物, 不單家長、老師、警察、政府責任, 而係全世界人都有責任. 小孩、年青人、成年人都唔可以虐待動物、都有責任

現時我仲只係仲諗緊sent 唔sent 去葵涌警局和傳媒體

 

各位, 有乜意見或提意請立即話我知....Thanks!