死卜街推銷員

30-10-2008  星期四

 

昨天詢問過舊爐的修理公司, 如果派修理員上門修理和換掉零件, 費用大約$450-$500. 因這熱水爐已7年, 所以換新的我會比較安心一點.

查看過各牌字和型號後, 決定購買「德x寶」型號GNP-603TDS．
(GPN:花洒式低壓, 603:6加侖3kW電量, T:單控式混合龍頭, D:插坐式花酒頭, S:溫度表)

再以「德x寶」GNP-603TDS的款式四處格價......我需要的型號不是每間店舖有, 如店中沒有這型號可用標準裝置, 更換或另加裝置, 之後請店員報價. 每每要向店員講解和計算加收的費用, 這令我更加煩惱.......德x寶總代理$3210、$國美$2600、直銷中心$2378、美的家電器直銷中心$2310、恆光貿易行$2390、www.ecox.com.hk $2270........ 真煩惱

後來致電荃灣「吉x島」詢問.....「德x寶」注場的推銷員, 向我講述.....$2398(包安裝)(今天購買還有95折)+$100拆舊爐, 用SCB信用卡分期付款送$50現金卷.......雖然價錢比某些店舖貴, 但以「吉x島」的聲譽..... 我決定在「吉x島」購買...... 怕自己聽錯價錢, 所以再打一次電話, 詢問清楚.......真的沒錯.

本想今天游泳的我, 因那95折只是今天有, 所以決定下班後先到荃灣「吉x島」訂購, 之後到茘技角游泳一會後才回家......雖然時間急一點, 但總算做到我想做的事.

 

下班後立即到荃灣「吉x島」的「德x寶」, 尋找今天詢問了2次的同一推銷員, 以下係我和那推銷員的一篇對話....

我: 唔好意思, 我今日打過電話黎問的.
推銷員: 我知, 你打過黎2次嘛.
我: 係, 唔好意思
推銷員: 熱水爐..... 這個好嗎?
我: 我要有溫度表喎.
推銷員: 咁o個個啦!
我: o個個幾多加侖?
推銷員: 4加侖.
我: 吓! 我要6加侖喎!
推銷員: 4加侖咪仲好, 尺寸細o的.
我心中已立即講咗一句粗口

我: 細o的但唔夠水沖涼嘛! 咁頭先o個個幾多加侖呀?
推銷員: 5加侖.
我: 咁有無6加侖和溫度表呀?
推銷員: 無你想要的型號喎! 如果你要的話, 要加錢訂.
我心中再次講咗一句粗口

推銷員: 另加安裝費$460
今早又話包安裝

我: 我打2次電話黎, 你又話有, 你點我黎呀!
推銷員: 如果你要的我問下「行街」要加幾錢, 但唔平.
我: 好, 咁你問下幾錢.

這時推銷員用手提電話問有關的「行街」 但從她的表情知道她咀咒我中
推銷員: 個客話要GPN-603AD加單控式混合龍頭和溫度表, 咁要加幾錢呀? 
               哦!照加錢, 單控式混合龍頭加$xxx, 溫度表加$xxx
我立即搶說: 你唔好話GPN-603TMS唔要直柱式花灑頭, 只要插座式花灑頭,
                       可以減幾多!?
推銷員: 我地無得減錢喎!
我心中第三次講一句粗口

推銷員和「行街」掛線後計算新的價錢給我............三千多元, 與她當初報的價錢多了接近$1000

嬲得我: 我今日打2次電話問都話有, 黎到又話無. 你點我呀! 
                       新價錢相差咁多, 你玩野呀!

推銷員請「吉x島」的職員幫她查GPN-603TMS的價錢......... 同樣貴過初報的價錢很多.

最後我一句...... 唔要喇! 唔該晒!

 

這樣一搞, 已經7時多, 我還可去游水嗎!? 游得黎咪好夜! 我仲要返屋企食飲, 和同pipi行街........ 最後去無去游水

 

 

去唔到游水買唔到熱水爐......乜都做唔成
明日要打電話去投訴個「死卜街推銷員」