裝修@進展

17-04-2009  星期五

上星期三從裝修師表示廁所和廚房天花有些位置有石屎脫落問題. ck請裝修師把那部分混凝土拆下, 補回英泥沙之後批灰髹乳膠便可.

在昨天和ck吃午餐時裝修師來電：「好唔掂, 廚房天花有問題位置一'拷'... 立即成塊跌落o黎」, 裝修師還向ck表示轉造假天花.
當時我心想：「咁咪貴咗!？」立即向ck表示不要做假天花, 不希望多付千多元的裝修費.
之後他們再在電話中傾談

電話掉上後ck說：「裝修師話剛拆下部分的天花混凝土, 是已經整修過一次之後的, 但都咁易甩...好危險. 所以裝修師話拆下天花混凝土之後, 在鋼根髹上防鏽油, 不會補上英泥沙石屎, 另加上假天花, 費事再有機會跌落. 同時裝修師話用本來做泥水石屎的費用轉做假天花, 不會加收費用, 以安全原則最重要．」

之後3時許..... ck到新屋看過情況, 之後他給我來電
ck：「估下o個塊拆落o黎石屎有幾大塊?」
我：「o個日睇咪大約一尺乘一尺」
ck：「唔只, 係 3尺x 3尺呀 」
我：「吓! 咁咪成張枱咁大」
ck再說：「今晚上去睇時你可能會嚇親裝修師仲話廳中用作間房板已經霉爛.」
我：「吓! 咁另2間房o的板都霉爛? 要唔要拆呀?」
ck：「有窗o個2間房o的板唔拆, 睇下有乜油補得就補.」

 

晚上所拍到的照片

差不多半個廚房天花.......

在石屎中看見一貝殼

另外還有一小部分也有石屎脫落

廁所沒有想像中那麼嚴重

廁所側的一度牆, 可能是門檻的架所至, 問題不大

另2間房用作間隔的木板, 不是想像中那麼欠佳

客廳的牆已剷灰和補修

客廳另一面已拆去房間併剷灰和補修

拆房後膠地板缺去一些, 我們會買新的重新鋪上

ck經向他媽媽說過情況, 同時他媽媽也通知那宗親會的委員.
他們不作付款已是預料中事, 但最近要令業主知道不是我們無理拆下天花石屎, 而是本身出現問題.

幸好ck沒有慳那些錢而自行裝修, 而是請裝修師整理房子, 如果不是........

 

之後我們到銅鑼灣的海馬店選購床架和床褥.....
其實ck早已選擇好了, 只是想我望一望他所選的東西. 最後全單半價, 油壓床架$1793.70, 床褥$1989.50買下, 而上樓費另計 

 

 

期待......